Al-Muzzammil
المزمل
20 verses · begins on Mushaf page 574قُمِ ٱلَّيۡلَ إِلَّا قَلِيلٗا
Bukha mushilo shiosi, okhuyiniakho hatiti butswa!
نِّصۡفَهُۥٓ أَوِ ٱنقُصۡ مِنۡهُ قَلِيلًا
eshitonye yashio nohomba oleemiekhwo hatiti.
أَوۡ زِدۡ عَلَيۡهِ وَرَتِّلِ ٱلۡقُرۡءَانَ تَرۡتِيلًا
Nohomba ometekhwo, ne osoome Ikurani mushiroonyo.
إِنَّا سَنُلۡقِي عَلَيۡكَ قَوۡلٗا ثَقِيلًا
Toto efwe khwitsa okwishilia likhuwa lisiro.
إِنَّ نَاشِئَةَ ٱلَّيۡلِ هِيَ أَشَدُّ وَطۡـٔٗا وَأَقۡوَمُ قِيلًا
Toto okhubukha eshilo, omwoyo kukwalalanga muno, na amakhuwa kashio kabetsanga amalunjifu muno.
إِنَّ لَكَ فِي ٱلنَّهَارِ سَبۡحٗا طَوِيلٗا
Ne toto bwene ewe obetsanga nende okhubotokhana okhunji mushitere.
وَٱذۡكُرِ ٱسۡمَ رَبِّكَ وَتَبَتَّلۡ إِلَيۡهِ تَبۡتِيلٗا
Kho lirumbule elira lia Nyasaye wuwo Omulesi, wirusilie khuye elala.
رَّبُّ ٱلۡمَشۡرِقِ وَٱلۡمَغۡرِبِ لَآ إِلَٰهَ إِلَّا هُوَ فَٱتَّخِذۡهُ وَكِيلٗا
Nyasaye omulesi we bukwe nende mumbo, abulaho Nyasaye wundi owulali ye, khomukhole Omwisikwa wuwo.
وَٱصۡبِرۡ عَلَىٰ مَا يَقُولُونَ وَٱهۡجُرۡهُمۡ هَجۡرٗا جَمِيلٗا
Ne wifwile khukababoolanga, ne abawuyekhwo mubulayi.
وَذَرۡنِي وَٱلۡمُكَذِّبِينَ أُوْلِي ٱلنَّعۡمَةِ وَمَهِّلۡهُمۡ قَلِيلًا
Ndeshela abaingani abali mubwokholo, ne obahelesie obwiyangu butiti.
إِنَّ لَدَيۡنَآ أَنكَالٗا وَجَحِيمٗا
Toto bwene efwe khuli nende tsirimba tsisiro nende omulilo omululu.
وَطَعَامٗا ذَا غُصَّةٖ وَعَذَابًا أَلِيمٗا
Nende eshilibwa shirekamanga mumworokoro nende eshinyasio eshilulu.
يَوۡمَ تَرۡجُفُ ٱلۡأَرۡضُ وَٱلۡجِبَالُ وَكَانَتِ ٱلۡجِبَالُ كَثِيبٗا مَّهِيلًا
Inyanga lwe eshialo nende tsingulu bilireenga(tsilinyiilikha) ne tsingulu tsiliba shinga litulo lwomuyeshe kubulungukha shinga olufu.
إِنَّآ أَرۡسَلۡنَآ إِلَيۡكُمۡ رَسُولٗا شَٰهِدًا عَلَيۡكُمۡ كَمَآ أَرۡسَلۡنَآ إِلَىٰ فِرۡعَوۡنَ رَسُولٗا
Toto efwe khwabarumila Omurumwa abe Omuloli wenyu, shingla khwarumila Firauni Omurumwa.
فَعَصَىٰ فِرۡعَوۡنُ ٱلرَّسُولَ فَأَخَذۡنَٰهُ أَخۡذٗا وَبِيلٗا
Halali Firauni yaloba Omurumwa oyo, mana nikhumutila okhutila kweshinyasio.
فَكَيۡفَ تَتَّقُونَ إِن كَفَرۡتُمۡ يَوۡمٗا يَجۡعَلُ ٱلۡوِلۡدَٰنَ شِيبًا
Nemwakhelinda murie nimukhayanga, inyanga yabaana balimela tsimbutsi?
ٱلسَّمَآءُ مُنفَطِرُۢ بِهِۦۚ كَانَ وَعۡدُهُۥ مَفۡعُولًا
olwelikulu liliatikha! Ne awo kayalachisilia kaliikholekha.
إِنَّ هَٰذِهِۦ تَذۡكِرَةٞۖ فَمَن شَآءَ ٱتَّخَذَ إِلَىٰ رَبِّهِۦ سَبِيلًا
Toto bwene kano ni ametsulisio. owenya atile injila ya Nyasaye wuwe Omulesi .
۞ إِنَّ رَبَّكَ يَعۡلَمُ أَنَّكَ تَقُومُ أَدۡنَىٰ مِن ثُلُثَيِ ٱلَّيۡلِ وَنِصۡفَهُۥ وَثُلُثَهُۥ وَطَآئِفَةٞ مِّنَ ٱلَّذِينَ مَعَكَۚ وَٱللَّهُ يُقَدِّرُ ٱلَّيۡلَ وَٱلنَّهَارَۚ عَلِمَ أَن لَّن تُحۡصُوهُ فَتَابَ عَلَيۡكُمۡۖ فَٱقۡرَءُواْ مَا تَيَسَّرَ مِنَ ٱلۡقُرۡءَانِۚ عَلِمَ أَن سَيَكُونُ مِنكُم مَّرۡضَىٰ وَءَاخَرُونَ يَضۡرِبُونَ فِي ٱلۡأَرۡضِ يَبۡتَغُونَ مِن فَضۡلِ ٱللَّهِ وَءَاخَرُونَ يُقَٰتِلُونَ فِي سَبِيلِ ٱللَّهِۖ فَٱقۡرَءُواْ مَا تَيَسَّرَ مِنۡهُۚ وَأَقِيمُواْ ٱلصَّلَوٰةَ وَءَاتُواْ ٱلزَّكَوٰةَ وَأَقۡرِضُواْ ٱللَّهَ قَرۡضًا حَسَنٗاۚ وَمَا تُقَدِّمُواْ لِأَنفُسِكُم مِّنۡ خَيۡرٖ تَجِدُوهُ عِندَ ٱللَّهِ هُوَ خَيۡرٗا وَأَعۡظَمَ أَجۡرٗاۚ وَٱسۡتَغۡفِرُواْ ٱللَّهَۖ إِنَّ ٱللَّهَ غَفُورٞ رَّحِيمُۢ
Toto Nyasaye wuwo Omulesi, yamanya mbu ewe wemanga nolaama ahambi eshilo shiosi, nohomba eshitonye shiashio nohomba mukhuwa khwashio, nende omukanda kulia kuli halala ninawe, ne Nyasaye niye ureranga eshilo neshitere, yamanya mbu shimunyala okhumanya okhubala tawe, mana nabalolela tsimbabaasi, kho some shiamunyalilwa mukurani, yamanya mbu mwinywe balimwo abalwale, ne abandi bekhupatsangana khushialo, nibakhaaba tsimbabaasi tsia Nyasaye, Nabo abandi balwanilanga injila ya Nyasaye, khosoome wamunyalilwa mushio, Mana mlaame iswala obulachweya ne muhinie eshihanwa, ne mwiwosie Nyasaye likofi lilayi, ne shiamuranjilisilia emioyo chienyu khukhukhola namalayi mulishinyoola ewa Nyasaye, ye ni omulayi womurungo omukhongo muno, Ne musabe Nyasaye eshileshelo toto Nyasaye ni omunji wakhueshela Owetsimbabaasi muno.