Enywe abasuubila mukhole shinga mulakaane, musubulwa okhulia tsiosolo tsiebilenje bine halali tsilia etsia musomelungwa (tsiamwakanibwa). Ne mulachamila okhuyima nimuli muhaji tawe. Toto Nyasaye abusinjia shingala yenya.

Enywe abasubila mulafunaka oluyali lwe ebimanyisio bie idini ya Nyasaye tawe nohomba omwesi kwoluyali tawe, nohomba oluyali lwetsisolo tsiyilungwa Makka okhusinzwa, nohomba ebietsisolo etso tsirebungwakho biokhwechesia mbu tsistia Makka, nohomba oluyali lwabalia basuubilanga okhutsia khunzu yoluyali, okhukonya tsimbabaasi tsia Nyasaye nende obuchami bubwe. Ne nimwakharula mu Hijja yenyu mana muyime(nimwenya). Ne okhusila Abandu shichila babekalila okhuula khumusikiti kwo luyali, khulabakhola okhuba abafuru tawe, Ne khoonyane mubulayi nende okhuria Nyasaye, Ne mulakhoonyana mutsimbi nende obusuku tawe. Ne murie Nyasaye Toto Nyasaye ni Omululu Weshinyasio.