Balienya okhurula mumulilo, halali shibalirulamo tawe, ne baliba neshinyasio shie tsinyanga tsiosi.
Mushaf reader · page 114 of 604
5:37–5:41
Read the protected Arabic beside the current Luhya translation, beneath each āyah, or as a continuous translation page.
Arabic3
Translation3
Ne omwifi omusatsa nende omwifi omukhasi mtete imikhono chiabu, omurungo kwa kalia kabakhola, Esho nisho eshinyasio shirula khu Nyasaye, ne Nyasaye ni owa amani owamachesi muno.
Kho ulia usaba eshileshelo namalile okhukosa khukhwe mana nakaasa, Toto Nyasaye alamuleshela, toto Nyasaye ni omulesheli muno owetsimbambaasi po.
Koo, shomanyile mbu toto Nyasaye ali nende obwami bwomwikulu nende khushialo ahelesinjia eshinyasio owayenya, ne aleshelanga owayenya. Ne Nyasaye ni omunyali wabu eshindu.
Ewe Omurumwa, balakhubeelesia balia belushilanga okhukhaya mubalia baboolanga nende eminwa chiabu mbu; “khusuubile” ne emioyo chiabu nichishili okhusuubila. Nende mubayahudi betsanga okhuwulilisia akoboola, khobaboole obubeyi, abetsanga okhukhuwulilisia khulwa okhusilia abandu bandi balanyala okhuulila. Bakalukhaninjia amakhuwa okhurula habundu wako. Baboolanga mbu; “nimuhebwa kano mukatile, ne nimuhebwa mwichunge. Ne owa Nyasaye yenyela amatemo shiwakhanyala okhumuwa shiosishiso imbeli wa Nyasaye tawe. Abo nibo ba Nyasaye alenya okhwosia emioyo chiabu tawe. Bali nende eshinyasio khushialo, ne mwikulu baliba nende eshinyasio eshikhongo.
المائدة