Please wait while the requested workspace is prepared.
Mushaf reader · page 124 of 604
Read the protected Arabic beside the current Luhya translation, beneath each āyah, or as a continuous translation page.
Ne mwafuchililwa ebiyimo bwo munyanza ebiakhulia biayo nibo omwikhoyo kwenyu, nende abali khuluchendo. Ne mukanibwa ebiyimo biokhulukongo ngala mulaba muhaji noho mu-umra. Ne murie Nyasaye, ulia owamulikhung’asibwa ewuwe.
Nyasaye yakhola Al-kaaba inzu yoluyali okhuba esiilo khubulamu bwa Abandu, nende emiesi echioluyali, nende okhuyila emiruko Makka (khulwokhusinzwa) nende okhwiboya ebiuma, koosi ako ni khulwa okhukasia obulamu bwa Abandu. Endio khomumanye mbu toto Nyasaye yamanya kali mwikulu nende mushialo, ne toto Nyasaye khubuli eshindu ni omumanyi muno.
Manye mbu toto Nyasaye ni omululu weshinyasio, Ne toto Nyasaye ni Omunji wobulesheli Owestimbabaasi.
Ne sikali khumurumwa tawe halali okhusiasa,Ne Nyasaye amanyile kamuretsanga habulafu nende akamufisanga.
Boola; shibali nashilala ababii nende abalayi tawe, kata obunji bwababii nibukhusangasia, kho murie Nyasaye enywe Abandu bamachesi kho munyoole okhubura.
Enywe abasuubila mulareeba amakhuwa akamwitsa okhuboolelwa kalabasinyisia. Ne nimulakareba Ikurani nishili niyikhanga mwitsa okhwinosibwa. Nyasaye alesheele ako. Nyasaye ni omunji wobulesheli omuloonga muno.
Abandu baliho enywe nimushiili, bareeba mana nibaba abokhukakhaya.
Nyasaye shiyarakho amakanio kosi kosi khu Bahira(ingamia itetungwa eshirwi niyibule abana barano wokhumwisho abe weshisatsa.) nohomba saiba(ingamia iyebungwa abanyasaye omundu nahonokoshe mumatinyu) nohomba wasila( ingamia ihebungwa ebinyasaye niyibule omwana wa ambeli weshikhasi nende ulondakho weshikhasi) nohomba hami ( ni ingamia isatsia ilaninumgwakho tawe nikali mbu yilusiye omwana wo mwana wayio), halali abakhayi bachishilanga Nyasaye obubeyi, ne abanji mubo shibekhonyelanga obwongo tawe.
