Etsulile inyanga ya Nyasaye alikhung’asia Abarumwa, mana ababoolele; “Nishina shiabamukalusia? Abarumwa baliboola; “khubula obumanyi – Toto ewe newe wamanya amakhuwa kefisile”.
Mushaf reader · page 126 of 604
5:109–5:113
Read the protected Arabic beside the current Luhya translation, beneath each āyah, or as a continuous translation page.
Arabic3
Translation3
Ne olwa Nyasaye aliboola “Ewe Isah omwana wa Mariam, istulila tsimbabaasi tsianje khwiwe, nende khu mamawuwo, olwa ndakhukhoonya nende roho omutakatifu, nosunga nende abandu noshili omwana omutoro, nende mubukofu, ne yitsulila olwa ndakhwechesia okhuhandika mana nekhwa amachesi nende Itaurati nende Injili, Na itsulila olwa walonga khuliloba amayoni mana nikaba amayoni khumunwa kwanje, Ne olwa wahonia abawofu nende abamachele khumunwa kwanje, ne olwa walamusia abafu khumunwa kwanje, Ne olwa ndakhwikalila abana ba Israili(okhukhukhola amabii) Olwa waboolela nende ebifune biahabwene, Balia abakhayi mubo nibaboola mbu; “Buno ni obulosi obwahabulafu”.
Ne olwa ndafimbulila abechi bo mbu; “Musuubile esie nende Omurumwa wanje uno, Isah” Mana nibaboola mbu; “Khusuubile ne obe omuloli mbu efwe khuli abehotselefu.
Ne abechi baboola mbu; “Ewe Isah omwana wa Mariam, Nyasaye wuwo anyala okhwishilia eshiakhulia okhurula mwikulu? Isah naboola; “Murue Nyasaye nimuli abasuubili batoto.”
Baboola mbu; Khwenya okhuliakho khushio, kho emioyo chiefu chihotselesie ni khumanye mbu okhuboolele okatoto mana khube abaloli ba ako.
المائدة