Niye owaruma Omurumwa wuwe khubulunjifu nende idini yatoto, kho ikhole okhushila tsidini tsindi tsiosi kata nikasinyile Abatsokaasi.

Enywe abasuubila, abanji mubasomesia(abayahudi nende abakiristo) nende abasosoroti, balitsanga omwandu kwa bandu khububii, ne bekalilanga abandu khunjila ya Nyasaye. Kho balia ababunjelesinjia idhahabu nende ifedha mana bakhaye okhuyirusia khunjila ya Nyasaye, basuubisie eshinyasio eshilulu.

Inyanga yomwandu oko kulibasibwa olwa balireebwa mumulilo kwa Jahannam, mana bapaswe ninako khubweni bwabu nende tsimbafu tsiabu nende emikhono chiabu(mana baboolelwe) “Kano niko kamwebishila nemikhono chienyu kho pile kalia akamwakhung’asinjia abeene.

Toto emiesi imbeli wa Nyasaye ni ekhumi nachibili mushitabu shia Nyasaye. inyanga yayalonga likulu nende eshialo, mumiesi echo khulimwo nende chine echioluyali muno, eyo niyo idini ili habwene, kho mulakholamwo obubii tawe, ne lwane nende abatsokaasi shinga abo boosi balwananga ninanyu, ne manye mbu Nyasaye ali halala nende balia abamuria.