Bakorerwekhwo mbu ulia ushilana nende Nyasaye nende Omurumwa wuwe, alinyoola omulilo kwa Jahannam alimenyamwo tsinyanga tsiosi, ne nikhwo okhututuyibwa okhukhongo.

Abeshikhabili baritsanga mbu baleshilibwa isura yitsa okhubarumbulila kalia akali mumioyo chiabu, Boola; “ Enywe bayesa, toto Nyasaye alarusia ebulafu akamuritsanga ako.”

Ne nobareeba nibaboola mbu; “toto efwe khwilomalominjia nikhutsekha butswa “Boola; “ Nyasaye nende tsinyali tsisie nende Omurumwa wuwe niye wamubayilanga?”

Muleekatia (okhusaba eshileshelo) tawe mumalile okhurula mubusuubili bwenyu, ne nikhuleshela omukanda mwinywe, khwitsa okhusandia omukanda kundi shichila kwo kwali kwamabii.

Abeshikhabili abasatsa nabakhasi boosi ninashilala, balomesaninjia amabii ne bakananinjia amalayi, ne bafumbanga emikhono chiabu, Bebilila Nyasaye ne Nyasaye nabebilila. Toto abeshikhabili nibo abamayanu.

Nyasaye yalaka abeshikhabili abasatsa nende abakhasi nende abakhayi omulilo kwa Jahannam, balimenyamwo tsinyanga tsiosi, oko kubayela ne Nyasaye abatsuba, ne bali nende eshinyasio shilawa.