Ewe Omurumwa! Shilana nende abakhayi nende abeshikhabili ne obe omutinyu khubo. Ne eshimenyo shiabu nishiomumulilo, ne ako ni amakalushilo amabii muno.
Mushaf reader · page 199 of 604
9:73–9:79
Read the protected Arabic beside the current Luhya translation, beneath each āyah, or as a continuous translation page.
Arabic3
Translation3
Betsubanga khulira lia Nyasaye mbu shibaboola tawe, nitoto nibaboola- likhuwa liobukhayi mana nibaba abakhayi nibamalilenje okhusubila, mana nibasuubilila okhukhola akabalanyala tawe, Ne shibalola libii liosi liosi tawe halali mbu Nyasaye abayindiasiyie nende omurumwa wuwe, khutsimbambaasi tsie. Ne nibasaba eshileshelo bulaba obulayi khubo, ne nibakhaya Nyasaye alabahelesia eshinyasio eshilulu khushialo nende mwikulu. Ni khushialo balibula omulindi nohomba ubahabina.
Ne mubo balimwo balia abalaka Nyasaye mbu; “Na khuhelesia khutsimbabaasi tsitsie khulayinia eshihanwa, ne khulaba mubandu abalayi.”
Olwa yabahelesia tsimbabaasi tsitsie, bamala bakhole obwimani nibakalukhana nibaloba muno.
Mana nabarunga obushikakhabili bwabu mumioyo chiabu okhuula inyanga yokhubukanana ninaye, khulwa okhutsia mashiama khu ka Nyasaye yabalaka nende khuka bakaatinjia.
Koo, bakorerwe mbu Nyasaye yamanya akobwifisi kabu, nende amamoonyo kabu, Ne mbu toto Nyasaye niye omumanyi wakefisile.
Balia abamoonyanga abandu barusinjia eshihanwa mu basubili, nende balia abalonyoola shokhuyinia okhuyiniakhwo eshindu eshititi, mana nibabatsekha, Nyasaye alibarunga omurungo kwokhutsekha khwabu, ne balinyoola eshinyasio eshilulu.
التوبة