Ne mubo baliwo bakhuhenganga, Ne onyala okhulunjisia abawofu kata nibalanyala okhulola tawe?
Mushaf reader · page 214 of 604
10:43–10:53
Read the protected Arabic beside the current Luhya translation, beneath each āyah, or as a continuous translation page.
Arabic3
Translation3
toto Nyasaye shakholelangakhwo abandu obubii tawe, halali abandu abeene nibo bekholelanga obubii.
Ne inyanga ya alibakhung’asia, shiliba shinga shibekhale khushialo tawe halali Isaa ndala ye eshitere. Balimanyana hakari wabu. Toto basikha balia bayingana okhubukanana nende Nyasaye wabu, ne shibali bokhulunjikha tawe.
Ne toto nikhukhwechesia malala khuka khubalakanga, nohomba nikhukhufwisia, khwifwe niko amakalushilo kenyu, mana Nyasaye aliba omuloli khukabakholanga.
Ne buli omukanda kuli nende omurumwa, kho olwa omurumwa wabu aliulia, balibusia hakari wabu mubuleng’aafu, ne bo shibalikholelwa obubii tawe.
Ne baboolanga mbu ; “niliina akamulakanga kano toto nimuli abahabwene.”
Boola; “Esie embula obunyali bwokhwikholela obubii nohomba obulayi, halali shia- Nyasaye yenya. Buli omukanda kuli nende ebise biakwo, ebise biabu nibiula shibekhalanga isaa ndala tawe nohomba shibaranjililanga tawe.
Boola; :”Mulola murie eshinyasio esho nishibetsela eshilo nohomba eshitere, kho mbushina abamabii bayungubasinjia mbu shitse lwangu?
Olwa ilirulila khomwasubila? Mulirebwa mbu ; “bulaano buri?( isayino?) Ne mwali nimuyiyungubalilanga?
Mana balia bakhola obubii baliboolelwa mbu; “Pile eshinyasio shilawa, koo mukharungungwakho eshindi eshilali ashamwakholanga?”
Ne bakhurebanga mbu;” Koo ako ni katoto?” Boola mbu; “Eeeh nditsuba khu Nyasaye wanje omulesi toto ako ni abwene. Ne enywe shimunyala okhushila tawe.”
يونس