Alif lam mym ra. Tsino nitsinyaali tsieshitabo shino. Ne kalia keshibwa khwiwe okhurula khu Nyasaye wuwo niko akatoto. Halali abandu abaanji shibasubilanga tawe.
Mushaf reader · page 249 of 604
13:1–13:5
Read the protected Arabic beside the current Luhya translation, beneath each āyah, or as a continuous translation page.
Arabic3
Translation3
Nyasaye niye owaninia likulu nabula okhwikhonyela tsisiilo tsiamulola, mana naleeng’ana khushisaala shishie (arsh) mana nakhola eliuba nende omwesi okhumuwulila , buli shilala shitsitsanga okhula ebise biashiahelesibwa, ye niye uchesinjia amakhuwa ne yenoosinjia tsinyaali tsino mwakhaba murio mwanyoola obwatoto bwokhubukana nende Nyasaye wenyu.
Naye niye owala eshialo mana naramwo tsingulu nende emialo. Ne buli mubiamo nakhola tsimbia tsibili eshisatsa nende ikhasi. Afunikhanga eshilo khushitere,nende eshitere khushilo. Toto mu ako khulimo nende ameeko khubaandu baparanga.
Ne mwiloba khulimwo nende ebitonye bitilanga, ne khubiamo nende emikunda chie mizabibu,nende emimela chindi, nende emitende chimelanga mulina lilala nende echindi chilamelanga mulina elala. chiosi chitsushililungwa amatsi kalia kalia. Ne khukhola ebiindi ebilayi okhushila ebindi khukhulia. Mukano khulimwo nende emeeko khubandu bekhonyelanga obwongo.
Ne noli mbu owukanga , shiwukwa muno nikababoolanga mbu; “Koo: shingala khulaba nikhumalile okhuba liloba, mbutoto khulikalusibwa ebilonje ebiyiakha?” Abo nibo abakhaya Nyasaye wabu, nabo nibo belirebwakhwo omunyororo mumakosi kabu, ne abo nibo abandu bomumulilo, balikhalamwo tsiyanga tsiosi.
بِسْمِ اللَّهِ الرَّحْمَٰنِ الرَّحِيمِ