Nafu shikhwaruma imbeli wuwo halali abasatsa abakhwafimbulilanga obufimbuli. Mana mureebe abali nobumanyi nikali mbu shimumanyile tawe.
Mushaf reader · page 272 of 604
16:43–16:54
Read the protected Arabic beside the current Luhya translation, beneath each āyah, or as a continuous translation page.
Arabic3
Translation3
Khubimanyisio bili habulafu nende mubitabo. Ne khweshia amachelo kho winoosilie abandu akeshibwa khubo , khobanyoole okhupara.
Ne koo basuubilanga mbu bali nomulembe balia abakholanga ebifwanga mbu Nyasaye shiyetsa okhubayibisia muliloba tawe nohomba shalabarerera eshinyasio nabo nibalamanyile tawe?
Nohomba shalatila khutsinjendo tsiabu eyi nande eyi, Mana shibalanyala okhupwotsokha tawe?
Nohomba mbu shalabahelesia eshinyasio shiokhurisia khulwa okhututuyilia shititi shititi? Toto Nyasaye wuwo ni omuholo oweshisa muno.
Koo! Shibalolangakho buli bia Nyasaye yaloonga eshinikha shiabio shibotokhonanga okhurula omukhono omulunji nende omukaata ne binamilanga Nyasaye, nebio nibihotselesiye.
Ne binamilanga Nyasaye biosi bichendanga mwikulu nende khushialo , mutsisolo nende abamalaika boosi, ne shibelolanga tawe.
Baritsanga Nyasaye wabu owuli hekulu wabu, ne bakholanga eliabalomesibungwa.
Ne Nyasaye yaboola mbu: " mulabakho nende nyasaye babili tawe, ye ni Nyasaye mulalasa yenyene. Kho muriesa esie!"
Ni ebibie ebili mwikulu nende mushialo, ne idini neyiyie buli lwosi. Koo mularia owundi ulali Nyasaye tawe?
Ne obulayi bwosobwosi bwamuli nabo burula khu Nyasaye, mana amabii nikabanyoola niyesa owamulilila.
Mana nabarusiliaho obubii obo, omukanda mulala mwenywe kumutsokaasia.
النحل