Nende balia abalalamanga halala nende Nyasaye wundi tawe, ne shiberanga omundu wa Nyasaye yakana okhwirwa halali khubwatoto, ne shibakholanga obuyeyi tawe, ne ulia ukhola ario alonyoola tsimbii.
Mushaf reader · page 366 of 604
25:68–25:77
Read the protected Arabic beside the current Luhya translation, beneath each āyah, or as a continuous translation page.
Arabic3
Translation3
Alametelwa eshinyasio inyanga yeyindukho ne alekhalamwo tsinyanga tsiosi natutuye.
halali ulia witsa okhusaba eshileshelo, mana asuubile mana akhole abikhole ebilayi, Abo Nyasaye alabakalukhanilia tsimbii tsiabu okhuba amalayi, Ne Nyasaye ni omunji wabulesheli wetsimbabaasi muno.
Ne ulia usaba eshileshelo nende okhukhola amalayi, toto oyo asabe eshileshelo okhusaba khwatoto khu Nyasaye.
Nende balia abalarusinjia obuloli bwobubeyi tawe, ne nibabura khumakhuwa kabulamwo oluchendo babura nende eshironyo(eshiribwa).
Nende balia nibetsulisibwa ibimanyisio bia Nyasaye wabu shibabikalilanga amarwi nohomba shibabiwofulilanga tawe.
Nende balia baboolanga mbu; “Nyasaye wefu! Khuhelesie mubakhasi nende abaana befu babe basangasia tsimoni, ne okhukholele okhuba ebemilisi khubariitsanga Nyasaye.”
Abo nibo balirungwa tsinzu(tsio Mwikulu) khulwa okhwisumilisia, ne balinyoolamwo eshiribwa nende omulembe.
Balikhalaamwo tsinyanga tsiosi, amawulushilo amalayi nende habundu halayi wokhwikhala.
Boola mbu; “Nyasaye wanje shiyakhabatebele tawe khukhayanga okhuba okhusaba khwenyu, Ne enywe mumalile okhuyingasia, kho (eshinyasio) shilaba butswa shiokhubanyoola.”
الفرقان