Please wait while the requested workspace is prepared.
Mushaf reader · page 395 of 604
Read the protected Arabic beside the current Luhya translation, beneath each āyah, or as a continuous translation page.
Yaboola mbu: “esie kano ndahebwa okhurulana nende obumanyi bwanje “ shamanyilekhwo mbu toto Nyasaye yamala okhusishia imbeli wuwe emikanda eminji balia abali nende omwandu omunji okhumushila. Ne aboononi shibalirebwa tsimbi tsiabu tawe.
Mana niyetsela abaandu bebe nafwalile obulayi. Balia abachama obulamu bwokhushialo nibaboola mbu: ‘abayie khubakho mbu nefwe abahelesibwa omwandu shingala kwa Qarun yahelesibwa, toto bwene ye niweyikhabi ikhongo,”
Ne abahelesibwa obumanyi nibaboola mbu: “abaane enywe, omurungo kwa Nyasaye ni omulayi muno khu ulia wasuubila mana nakhola amalayi , ne shibanyoola ako tawe halali ebesumulisi.
Mana nikhumukhola ye namilwa neliloba halala nende inzu yiyie, mana nalabakhwo nende omukanda kumuhabina khu Nyasaye tawe, ne shiyali mubahabinwa tawe.
Mana balia abekoombanga okhuba shinga ye olwabeele nibachaaka okhuwuka mbu: “eeh koo khane Nyasaye ametanga omukabo ulia owayenya mubasumba bebe, ne atutuyilinjia owayenya, Nyasaye akhayanga okhukholela amalayi liloba liakhakhumilile ninaye, oh toto khane Nyasaye shabusinjia abakhayi tawe.
Esho nisho eshimenyo shomwikulu, khwakholela balia abalenyanga obukhongo khushialo khuno nohomba obwononi, ne indukho indayi niyabalia abaria Nyasaye.
Ulia ulakhola amalayi alinyoola omurungo omulayi okhushila amalayi ako akayakhola, ne ulia ukhola amabii shibalirungwa balia bakholanga amabii halali kalia akabakholanga.
