Ne mubimanyisio bibie likulu nende eshialo biema khubunyali bubwe, Ne olwa alibalanga omulango mulalasa mulirula mwiloba.
Mushaf reader · page 407 of 604
30:25–30:32
Read the protected Arabic beside the current Luhya translation, beneath each āyah, or as a continuous translation page.
Arabic3
Translation3
Ni ebibie ebili mwikulu nende khushialo ne biosi bimuwulilanga.
Ye niye wachachia ebilonje naye niye ulibikalusia, ne lino ni eliangu muno khuye naye niye weyifuma indayi mwikulu nende khushialo, naye niye owa amani owamachesi muno.
Abachelasilia imela yenyu abeene, khubalia ebemikhono chienyu emilunji chiatila, muli nende abasaanji khu kalia akakhubahelisiyie, khomana musanjilananga ebihelaana, mubaritshanga shiangala muritshananga abeene? Ne endi nilwo lwakhwinoosinjia tsinyaali khubandu bamanyanga.
Halali balia aboonona baloonda abwikombi bwe mioyo chiabu, nibabula obumanyi, khoniwina unyala okhulunjisia owa Nyasaye yalekha okhukora, nabo shibaliba nende ubahabina tawe.
Kho chomia obweni bubwo khudini ilihabwene nalo nilo liba lia Nyasaye yalonjelakhwo abandu, okhukalukhania khubulaho khubilonje bia Nyasaye eyo niyo idini yatoto, halali abandu abaanji shibamanyile tawe.
Mwihotselesie khuye nemumurie, ne mulumilile okhulaama (iswala) ne mulaba mubatsokaasi tawe.
Mubalia abawukhasia idini yabu, mana nibaba emikanda emikanda, buli omukanda kusangalilanga shiakuli nashio.
الروم