Amashesanio kabu inyanga yakhubukanana ninaye kaliba mbu “mulembe” neyabarecheshela omurungo omulayi.
Mushaf reader · page 424 of 604
33:44–33:50
Read the protected Arabic beside the current Luhya translation, beneath each āyah, or as a continuous translation page.
Arabic3
Translation3
Ewe Omurumwa , toto efwe khwakhuruma obe omuloli nende Omusuubisia nende omwikanyilisi.
Ne obe omulanji khunjila ya Nyasaye, khubuchami bubwe, nende itaa iyininjia obulafu.
Ne subisia abasuubili mbu bali nende tsimbabaasi tsikhongo tsirulanga khu Nyasaye.
Ne olawulila abakhayi nende abeshikhabili tawe, ne olateba amasinyisio kabu tawe,ne wisiche Nyasaye, ne Nyasaye ayela okhuba omulindi.
Enywe balia basuubila, nimuteshia abakhasi abasuubili mana mubaleshe nimushili okhubatilakhwo, eda ibula khubo yamulababalila, mubahelesie shokhubasangasia ne mubaleshe okhulekhana okhulayi.
Ewe Omurumwa, khukhusubulila abakhasi bao obawahelesia omurungo kwabu, nende balia abomukhono kukwo omulunji kwatila mubalia ba Nyasaye yakhuhelesia, nende abakhana bomusiani wabu papa wuwo, nende abakhana ba senje wuwo, nende abakhana bakhotsa wuwo, nende abakhana bo mukhana wabu mama wuwo, balia abawuuya ninawe, nende omukhasi omusuubili, niyerusia omwene eshikhaya khumurumwa, omurumwa mwene niyenya okhumuteshia. Ochamilwa ewe butswa, shini khubasuubili bandi tawe. Toto khwamala okhubenoosilia okakhwabalachila khubakhasi babu, nende abemikhono chiabu emisatsia chiatila, kho bulaba obusiro khwiwe tawe. Ne Nyasaye ni Omuleshili muno Owetsimbabaasi po.
الأحزاب