Ne bakanile imbakha nobachelasilia , Abandu bolukongo olwa betselwa nende Abarumwa.
Mushaf reader · page 441 of 604
36:13–36:27
Read the protected Arabic beside the current Luhya translation, beneath each āyah, or as a continuous translation page.
Arabic3
Translation3
Olwa khwabarumila babili, nibabayingasia mana nikhubametela owakhataru nibaboola mbu: “ toto efwe khurumilwe khinywe.”
Nibaboola mbu: “enywe mulisa abandu shinga efwe, ne (Nyasaye) omunji wetsimbabaasi shiyeshiakhwo shiosi shiosi tawe, ne enywe mukatinjia butswa.”
Baboola mbu: “Nyasaye wefu omulesi amanyile mbu efwe toto khurumilwe khwinywe.
Nekhubula elindi tawe halali okhusia likhuwa lili habulafu.
Baboola mbu: “efwe khubekongola nimulalekhana ninafu tawe khulabalasa amachina ne mulanyoola eshinyasio eshikhongo okhurula khwifwe.”
Baboola mbu : “obubii bwenyu buli khwinywe, Shichila okhwitsulisibwa butswa, nohomba enywe muli abandu babura eshichelo?”
Mana omundu mulala niyetsa okhurula mumbeka wolukongo nayuukanga naboola mbu: “enywe Abandu banje muloonde Abarumwa bano.”
Muloonde balia abalabasaba omurungo tawe, nabo abeene nabalunjifu.
Ne khulwa shina ndalalaama ulia wanoonga ne ewuwe namulikalusibwa.
Koo endiile abanyasaye bandi balali ye. Omuunji wetsimbabaasi niyanyeenyela amabii okhusaba khwenyu shikhukhoonya shiosi shiosi tawe nohomba shibakhahabina tawe.
Toto mana esie endio amba endi mubukori bwa habulafu.
Toto esie usuubiile khu Nyasaye wenyu omulesi kho murechelesie.
Naboolelwa mbu ; “injila mwikulu,” naboola mbu : “ abayie abandu banje bamanyanga khwo.
Shinga ngala Nyasaye wanje omulesi yandesheele mana niyanda mubalia boluyali.”
يس