Ne nikhwabalonjela okhurula khwifwani eyo ebiabarakanga.

Ne nikhwenya nikhubayibisia ne abulaho ubakhoonya nohomba shibahabinwa tawe .

halali tsimbabaasi tsirulanga khwifwe nende omwikhoyo kwebise bititi.

Ne nibaboolelwa mbu; “mwilinde nende khukali imbeli wenyu nende kali inyuma wenyu mwakhaba murio mwanyoola okhubeelwa tsimbabaasi.”

Ni ishimanyisio shiosi shiosi shia Nyasaye wabu Omulesi nishiboolela shibabukulangamwo oluchendo tawe.

Ne nibaboolelwa mbu; “rusie khubilia bia Nyasaye wenyu abakabile ,abakhayi baboolelenga abasuubili mbu; koo khubalisie biala ba Nyasaye niyenya nabalisia? Toto enywe muli mubukori bwahabulafu.”

Ne baboolanga mbu; “kamukhulakanga kano kalirulila lina nimuli toto abahabwene.”

Shibalindanga halali oluyoka lulala butwsa lulibabukula nabo nibali mukhusolana.

Mana shibalinyoola okhulaamila nohomba shibalikalukha khubandu babu tawe .

Na olwa olwika lulikhupwa balirula mubilindwa nibelushila ewa Nyasaye wabu Omulesi.

Baliboola mbu ; “ abayie! wina ukhulamusiyie olwakhubeele nikhukonele ,kano niko kayalaka Omunji wetsimbabaasi ne abarumwa baboola katoto.”

Ne shiluliba halali oluyoka lulala butwsa mana boosi balikhung’asibwa imbeli wefu.

Mana olwa lelo abulaho yesiyesi olikholelwa amabii kosikosi ne shimulirungwa halali kalia kamwakholaga.