41:1–41:11

Ameshio kano karula khu Omunji, Wetsimbabaasi Wobukoosia muno.

eshitabu shie tsinyali tsiasho tsienoosibwa, shisomungwa mulwarabu khubandu baminyile.

Shisuubisia nende okhwikanyilisia, halali abanji bakhaya okhubukulamwo oluchendo, mana shibaulilanga tawe.

Ne baboola mbu: “ emieyo chefu chafunikhwa khukokhulanjilanga ako, ne amarwi kefu kekala, ne hakari wefu ninanawe khuli nende eshikalilo, Ne khola toto fwesi khukholanga.”

Boola esie endisa Omundu shinga enywe, enyolanga obufimbuli mbu toto Nyasaye wenyu ni Nyasaye mulala, kho mulunjishe khuye ne mumusabe eshileshelo, ne eshinyasio eshikhongo shilinyoola abatsokaasinjia Nyasaye.

Balia balarusinjia eshihanwa tawe ne bakhaya ukhusuubila inyanga yeyindukho.

Toto balia basuubila mana nibakhola amalayi bali nomurungo kulaliwa.

Bola mbu: “toto enywe mukhayanga ulia waloonga eshialo khutsinyanga tsibili, ne mumusaasia nende abanyasaye bandi, oyo niye Nyasaye webiloonje biosi.”

Ne yaramwo tsingulu (tsitiila hasi) hekulu washio, ne naramwo ikhabi, nenabalililamwo emikabo chabio khutsinya tsine, kano kali habwene muno khubarebanga.

Mana naleng’ana khwikulu nalo nilili omwosi, naliboolela nende eshialo “ itse nimuchamile noho nimukhayile, biaboola mbu : “ khwitsile nikhuli abarechelefu.”