Omulonji welikulku nende eshialo, niye owabaloonga omukhasi no musatsa, nende tsisolo tsiosi tsirio, abametelelangakhwo ario , shibulaho shosishosi shifwanana naye, naye ni Omuwulili Omuloli muno.
Mushaf reader · page 484 of 604
42:11–42:15
Read the protected Arabic beside the current Luhya translation, beneath each āyah, or as a continuous translation page.
Arabic3
Translation3
Niye mwene tsifunguo tsielikulu nende eshialo, ahelesinjia owayenyele omukabo omunji ne omuleng’anilinga owayenya, toto ye ni omumanyi wabuli eshindu.
Nyasaye yabalachila injila ka yalachila Nuh nende kakhwakhufimbulila ewe, nende kakhwalachila Ibrahim nende Musa nende Yesu, mbu mutile injila ne mulakabukhana khuyo tawe, Ni amasiro khubatsokasi kobalanjilanga ako, Nyasaye alobolaanga ewuwe wayenya, na alunjisinjia ulunjikha khuye.
Ne shibakabukhana halali nibakhanyoola obumanyi khulwe shikhalikhali shiali hakari wabu, ne likhayanga okhuba likhuwa liaranjilila okhurula khu Nyasaye wuwo omulesi- yokhusitia okhula khundukho- bakhakhalachilwe, ne toto balia banyoola eshitabu khubalia baliho imbeli wabu bashikanakanilanga nibakoyana.
Ne khwako, balanje, ne lunjikha shinga walomesibwa, ne alaloonda okhwenya khwabu tawe, ne boola mbu : “esuubile ka Nyasaye yeshia mubitabu, ne elomesibwe okhukhola obuleng’afu hakari wenyu , ne Nyasaye niye omulesi wefu nende omulesi wenyu, khuli nende ebikhole biefu, nanyu muli nende ebikhole bienyu; liakhuyinganilakhwo libulaho hakari wefu, ne Nyasaye alikhukhung’asia fwesi halala ,ne ewuwe nakhulikalukha.”
الشورى