Please wait while the requested workspace is prepared.
Mushaf reader · page 514 of 604
Read the protected Arabic beside the current Luhya translation, beneath each āyah, or as a continuous translation page.
Ye niye wekalila emikhono chiabu okhuboolakhwo, ne emikhono chienyu okhuboolakhwo, mulitokha lia Makka, niyakhamala akhubaha enywe obushili khubo, ne Nyasaye alolanga muno kamukholanga.
Abo nibo bakhaya, mana nibabekalila okhwinjila mumusikiti kwoluyali, ne nibekalila ebisashilo (ebiayo biokhusinzwa) okhula habundu wabio. Ne babulanga okhuba abasatsa abasuubili nende abakhasi abasuubili, abamulamanyile tawe, mwakhalwanile ninabo, mana mwenjila mububii okhurulana ninabo nimulamanyile tawe. Nyasaye (akholele kano ) khoyenjisie owayenya mutsimbabaasi tsitsie, ne bakabukhananga khwakhahele abakhayi eshinyasio eshilulu.
Olwa abakhayi bara mumioyo chiabu oburuma, oburuma bwobusilu, mana Nyasaye niyeeshia obuyeenzefu khu Murumwa wuwe nende khubasuubili, ne nabalomesia likhuwa lwokhumuria, ne toto nibo bali bakhoyeshele abeenelio, na Nyasaye yamanya muno buli eshindu.
Ne toto Nyasaye yakhola amaloro komurumwa wuwe okhuba katoto. Toto mulenjila mumusikiti kwoluyali Nyasaye nachama – mumulembe, nimubechele imirwe chienyu nohomba nimututuyie liswi. shimularia tawe, mana yamanya kamulamanyile tawe, mana nabaha imbeli wakano obushili bwahambi.
Niye waruma omurumwa wuwe khubulunjifu nende (idini) injila yatoto, kho iyihe uluyali khutsidini tsiosi na Nyasaye niye Omuloli uyela.
