Khole amakhuwa kenyu mubwifisi nohomba mubwang’ang’u, toto Ye amanyile muno akali mumioyo.
Mushaf reader · page 563 of 604
67:13–67:26
Read the protected Arabic beside the current Luhya translation, beneath each āyah, or as a continuous translation page.
Arabic3
Translation3
Yakhakhaywa okhumanya owaloonga, naye niye Omwihotselefu omumanyi mwene amakhuwa?
Niye owabakholela liloba okhuba eliangu khubukhala bwenyu, khochendekhwo tsimbeka tsiosi, nemulie khumikabo chichie. Ne ewuwe niwokhulamusibwa.
Mparanga mbu muli nomulembe khu ulia uli hekulu mbu shanyala okhubeyibisia muliloba nalio nilirenga tawe!
Nohomba mparanga mbu mulinomulembe khu ulia uli hekulu, ashili okhubarera omuyeka kweyimbumbuyeka kwetsimbaale? nemulimanya murie amekanyilisio kanje.
Ne toto bwene bamala okhufukula balia bali imbeli wabu, kho mana okhusinyikha khwanje khwalikhurie?
Nohomba shibalolangakhwo amayoni hekulu wabu shingala kabambulanga tsimbaya nende kafumbanga halala? shakatililinga tawe halali Omunji wetsimbabaasi. Toto bwene ye ni Omuloli wabuli eshindu.
Ne kuli hena omukanda kwenyu oko kwabalwani kwokhubahabina owulali Omuunji wetsimbabaasi?Toto bwene abakhayi shibali khusiosishiosi tawe halali mukhukatania.
Nohomba niwina oyo ulabahelesia omukabo , ye niyekalila omukabo kukwe? halali abo bahandilasa khubufuru nende ishinda.
Koo, ulia uchendanga niyetukumula nabushila khubweni bwe, nomulunjifu muno nohomba ulia uchendanga shiluunji khunyila ingololofu?
Boola mbu, “ Ye niwabaloonga olwambeli, nabahelesia amarwi nende tsimoni, nende emioyo. Ne oriomuno yenyu ni inditi muno.”
Boola ye niye wabasaalasia khushialo na ewuwe niwamulikhung’asibwa.
Nebaboolanga mbu:“Niliina kamulakanga kano, nikali mbu mubolanga obwatoto?”
Boola obumanyi bwe inyanga eyo buli khu Nyasaye, nasi endisa omwikanyilisi wahabulafu.
الملك