74:18–74:47

Mana nasishibwa okhurulana shingala yabalilila.

Khandi Mana nasishibwa okhurulana shingala yabalilila.

Mana naheenga.

Mana nakhunia obweni nasinyikha.

Mana niyechesia Obwatoto omukongo , niyelola.

Naboola mbu: “bino shineshindu tawe halali obulosi bwoburulanda.”

Kano shinishiosishiosi tawe halali namakhuwa kabandu.

Ndakhamwinjisie mumulilo omululu. (kwa “Saqar”)

Ne nishina shikhumanyia – (omulilo kwa) – Saqar. (oko)?

Shikutonyinjia inyama nohomba shikulekhanga tawe.

Kumamulanga liselo lwomubili.

Kulikhwo nende (abamalaika)ekhumi nende tisa.

Ne shikwakhola abalindi bomulilo halali ni abamalaika, ne shikhwakhola isabu yabu eyo halali ukhubeyiabeyia abakhayi, kho babe nobulaamba balia bahebwe eshitabu, ne abasuubila bamete obusuubili, ne balaba nokhukanakana balia bahebwa eshitabu nende abasuubila khobaboole balia bali nobulwale mumioyo chiabu nende abakhayi mbu: “Nyasaye yenyanga shina, okhurulana khukano ? Endio nilwa Nyasaye akosinjia wayenya, nalunjisia owayenya, na awumao umanyile omukanda kwe liyie kwa Nyasaye wuwo omlelesi halali ye Omwene, Ne kono shinishiosi shiosi tawe halali ni amechelo khu Bandu.

Tawe Nditsuba khumwesi.

Nende khushilo nishiwa.

Nende khumabwibwi olwabushietsanga.

Toto omulilo oko nimulala khumakhuwa amakhongo muno.

Ne amekanyilisio khubandu.

Kho ulia wenya mwinywe aranjilile nohomba amalilishe.

Buli Omundu alinyoola amabii kayakhola.

halali abandu bomukhono omusatsa.

Baliba mwikulu (mumikunda) nibarebananga.

Amakhuwa ka abandu betsimbii.

Ni shina shiachila nimwinjila mumulilo?

Baliboola mbu: “ efwe shikhwalaamanga tawe,

Ne shikhwaliisinjia abamanani tawe.

Nekhwali nikhweibila halala nende balia beyibila mutsimbi.

Ne khwali na mainji khuyinyanga yomurungo.

Okhula shinga lifwa liakhuulila.