83:7–83:34

Ne nishina shikhumanyia sijjiin ino?

Ni eshitabu shiahandikwamwo (ebikhole bia abononi)

eshinyasio eshikhongo inyanya eyo shiliba khubakhayi.

Balia bakhayanga (okhusubila) inyanga yeyindukho.

Ne shakhayanga okhusubila inyanga eyo okhuyiniakhwo ulia wabura eshichelo omukholi wetsimbi.

Nasomelwa ebimanyisio biefu naboola mbu: “etso ni tsingano etsia bakhale !”

Shikali kario tawe! habula emioyo chiabu chakhupa tsindebelende okhurulana khu kalia kabakholanga.

Shikali kario tawe! Toto bwene abo inyaga eyo balikalilwa okhunyoola tsimbabasi tsia Nyasaye wabu omulesi.

ne mana bakhenjila mumulilo!

Mana baboolelwe mbu : “kano niko kamwakhayanga.”

Shikali kario tawe! (Shinga lwa mukholanga)! toto bwene ebikhole bia abamalayi bili mushitabu shilangwa mbu I’liyyin.

Nishina shikhumanyia I’liyyin ino?

Ni eshitabu shiahandikwamwo (ebikhole bia abononi)

Bakhashilole biala abalobole

toto bwene abakholi abamalayi baliba mubwokholo.

Balikhala khubifumbi bioluyali ni bahenga.

olibamanyila khukhumesamesa khwo obweni bwabu ukhurulana khu obwokholo,

balinywesibwa ibinywebwa abilayi biafunikhwa.

Mukhumalikha khwabio (ebinywebwa ebo) biwunya eshing’ari shinga imisk. Ne khulwa okhunyoola kano bashilane balia abenya okhushilana..

ne shiasasibwamwo nende (amaatsi ka) Tasniim,

(Tasniim eye) ni Isebele yabalobole balinywamwo.

Toto bwene abakholi betsimbi batsekhanga abasuubili.

Nibaburanga ewabali babakhondiolanga nibechesania.

Ne ni bakalukha mubandu babu bakalukha nibasangalile.

Ne nibabalola baboola mbu: “toto bano nibo bakora.”

Nabo abo shibarumwa okhuba abalindi babu tawe.

Olwa lelo abasubila nibo bastsekha abakhayi,