Please wait while the requested workspace is prepared.
Mushaf reader · page 98 of 604
Read the protected Arabic beside the current Luhya translation, beneath each āyah, or as a continuous translation page.
Ne balia abasuubila mana nibakhola ebikhole ebilayi khwitsa okhubenjisia mumikunda chiburanga hakari wachio emialo, na balikhalamwo tsinyanga tsiosi. eyo niyo indache ya Nyasaye yobwatoto, Ne ni wina wobwatoto muno okhushila Nyasaye?
Okhwinjila mwikulu shikhuli khulwo khwikomba butswa khwenyu nohomba okhwikomba khwabalia bahebwa eshitabu tawe, ukhola amabii alirungwa khuko, ne shalinyoola omuliindi nohomba omukhoonyi owulali Nyasaye tawe.
Ne ulia ukhola amalayi omusatsa nohomba omukhasi naye nali omusuubili, abo balinjila mwikulu ne shibalikholelwa kho obubii kata butiti tawe.
Ne ni wina omulayi mudini okhushila ulia wiwotselesiyie obweni bubwe shichila Nyasaye naye nali owamalayi na aloondanga emilukha cha Ibraheem, okhuba omusalamu owatoto, Ne Nyasaye yakhola Ibraheem okhuba omulina wuwe.
Ne biosi ni bia Nyasaye bili mwikulu nende mushialo ne Nyasaye niye owabotokhana ebindu biosi pe.
Ne bakhurebanga amakhuwa kabakhasi, boola mbu; “Nyasaye yetsa okhubaboolela bulaanoburi, Nende kamusomelungwa mushitabu akabaana abafwilwa nende abakhasi balia bamwalayelisinjia ebia balachilwa, ne mwikomba okhubateshia, nende balia abateshele mubaana. Ne mbu mukholele abaana abafwila obwatoto. Ne kamukhola mumalayi Nyasaye akamanyile muno.
