As-Saff

Bitsominjia Nyasaye biosi bili mwikulu nende mushialo, Naye niye Owamani ,Owamachesi muno.

Enywe abasuubila, shichila shina ni muboolanga akamulakhola tawe.

Ni eshisinyo eshikhongo imbeli wa Nyasaye okhuboola kamulakhola.

Toto bwene Nyasaye yayanza balia abalwananga khu injila yiyie khulunyaali shinga eshiumbashe shiatilana .

Ne Olwa Musa yaboolela abandu bebe mbu: “Enywe abandu banje shichila shina musinyisinjia, ne toto mwamanya mbu esie endi Omurumwa wa Nyasaye khwinywe,?” ne olwabakora , Nyasaye yalekha emioyo chiabu chikore, ne Nyasaye shalunjisinjia abandu abakori tawe.

Yitsulila Olwa Yesu Omwana wa Mariam yaboola mbu : “Enywe Abaana ba Israel esie endi Omurumwa wa Nyasaye khwinywe, efuchilila obwatoto bwendi nabo okhurula mutaurati, nende okhubalachilisia Omurumwa unondakhwo ulangwa mbu Ahmed, Olwa yabeetsela baboola mbu buno nobulosi bololekha.

Ne wina wetsimbi muno, okhushilakhwo ulia uchshila Nyasaye abubeyi, naye alangungwa mubusalamu ne Nyasaye shalunjisinjia abandu ababii tawe.

Benyanga okhusumia obulafu bwa Nyasaye ne minwa chiabu, ne Nyasaye alatinyia abulafu bubwe kata abakhayi nibafimba.

Niye owaruma Omurumwa wuwe nende obulunjifu nende idini ya toto ilolekhane habulafu okhushila tsi dini thindi, kata abathokasinjia Nyasaye nibafimba.

Enye abasuubila, abamanyiekhwo inganga yitsa okhubahokosia okhurulana khu eshinyasio eshilulu.

Musubilenje Nyasaye nende Omurumwa wuwe , ne mukhalabanenje khunjila ya Nyasaye nemiandu chienyu nende emioyo chienyu ako ni amalayi khwinywe nikhaba mbu mwakhamanya.

Alabaleshela ebionoono bienyu, ne alabenjisia mwikulu mumikunda chiburanga hasi wachio emialo nende eshimenyo eshilayi mumukunda kwa Eden,Okho nikhwo okhubura okhukhongo.

Ne eshindi shibachamisia, obukhoonyi okhurula khu Nyasaye nende obushili buli ahambi, ne subisia abasubili.

Enywe Abasuubili mube abahabini ba Nyasaye, Shinga Yesu yareeba abechi bebe, mbu niwina umuhabini wanje khu Nyasaye ? abechi be nibaboola mbu Efwe khuli abahabini ba Nyasaye” Mana omukanda okhula mubaana baisrail nikusuubila, ne okundi nikukhaya, kho nikhukhoonya kulia okwasuubila khubasuku bakwo, nikushila.