At-Taghabun

Bithsoominjia Nyasaye biosi bili mwikulu nende mushialo, obwami nobubwe nende oluyali, naye ni Omunyala wa buli eshindu.

Ye niye Owabaloonga ne mwinywe balimwo abakhayi nende abasuubili, Ne Nyasaye alolanga muno kamukholanga.

yalonga likuli nende eshialo khubwatoto mana nabahelesia obukoondo, obulayi, ne iwuwe niwo wamulikalukha.

Yamanya ebili mwikulu nende mushialo ne yamanya kamukholanga mubwifisi nende mubwang’angu, Ne Nyasaye nomumanyi muno khukali mumioyo.

Shimwawulilakhwo amacheni kabakhayi abaali imbeli wenyu, bapila amurungo kwa mabii kabu, mana nibaba nende eshinyasio eshilulu.

Endio nilwokhubeela mbu babetselanga abarumwa babu nende obwatoto mana nibamiena mbu: omundusa akhuruke ! mana nibakhaya nibafura, Mana Nyasaye nalabateba tawe, ne Nyasaye ni Omuyinda withsomibungwa.

Abakhayi beshemulanga mbu shibalilamusibwa tawe. Boola mbu : “ toto, nditsuba khu Nyasaye mbu mulilamusibwa mana muliboolelwa kamwakhola, ne ako khu Nyasaye ni amangu.

Kho suubile khu Nyasaye nende Omurumwa wuwe, nende obulafu bwa khweshia, ne Nyasaye nomumanyi po khukamukholanga .

Inyanga lwa alibakhung’asia khuinyanga yomukhung’aano, eyo niyo inyanga yokhukhobana ne ulia usuubila khu Nyasaye mana akhole amalayi, alaleshelwa tsimbi tsitsie, ne alimwinjisia mwikulu mumikunda chiburangamwo emialo, balimenyamwo tsinyanga tsiosi, okho nikho okhubura okhukhongo.

Ne balia bakhaya nibayingana khubimanyisio biefu, abo nibo abandu bomumulilo , balimenyamwo tsinyanga tsiosi, ne ni amakalushilo amabii muno.

Ne amasila kosikosi shiketsanga tawe halali khubunyali bwa Nyasaye, ne usuubila khu Nyasaye alunjisia omwoyo kukwe, ne Nyasaye ni Omumanyi muno wabuli eshindu.

Ne muloonde amakhuwa ka Nyasaye nende Omurumwa , ne nimuloba ,Omurumwa wefu ni okhusia butswa oburume bubwe habulafu.

Naye ni Nyasaye abulaho owundi owulali ye tawe, ne abasuubili besiche butswa Nyasaye.

Enywe abasuubila, toto mubakhasi benyu nende abaana benyu balimwo abasuku benyu, kho mube meso ninabo, ne nimubeela nemwakhaya okhura mumakani, ne mwaleshela toto bwene Nyasaye ni omulesheli wobukoosia muno.

Toto emiandu chienyu nabaana benyu namatemo, Ne Nyasaye ali nende omurungo omukhongo.

Ne murie Nyasaye shinga munyalilwa, ne muwulile, mana muloonde ne murusie eshihanwa, nobulayi khumioyo chienyu ne ulia ulekha obwimani bwo mwoyo kukwe, abo nibo babura.

Nimwiwosia Nyasaye likofi lilayi, alabametelakhwo ne alabaleshela ebionono, Ne Nyasaye ni omunji wokhupa orio Omwihotselefu.

yamanya akafisile nende akali habulafu, Owaamani Owamachesi muno.