Ne abayahudi nende abakiristo baboola mbu; “efwe khuli abaana ba Nyasaye nende abahelwa bebe” Boola “Ne shichila shina nabahelesinjia eshinyasio khulwetsimbi tsienyu?”. Halali enywe mulisa abandu mubayalonga, Aleshela owayenya ne ahelesia eshinyasio wayenya. Ne ni bwa Nyasaye obwami bwomwikulu nende khushialo nende bili hakari wabio. Ne ni ewuwesa butswa niko amakalushilo.
Mushaf reader · page 111 of 604
5:18–5:23
Read the protected Arabic beside the current Luhya translation, beneath each āyah, or as a continuous translation page.
Arabic3
Translation3
Enywe abandu beshitabu, toto Omurumwa wefu yamala okhubetsela, abenosilie ebise biabarumwa bandi bawumao, muletsa okhubola mbu; “Omwikanyilisi nohomba omuboli wamacheni amalayi siyakhulila tawe” Toto yabetsela omulachilisi wamalayi omwikanjilisi, ne Nyasaye nomunyali wabuli eshindu.
Ne olwa Musa yaboolela abandu bebe mbu; “ Enywe abandu banje yitsulile tsimbabaasi tsia Nyasaye khwinywe, olwa yakhola abarumwa mwinywe, nenabakhola abaami, mana nabahelesia akayalahesesiakhwo yesiyesi khushialo tawe.
Enywe abandu banje, injile khushialo sholuyali eshia Nyasaye yabalachila, ne mulakalukha inyuma tawe, mwaba abokhusikha.
Baboola mbu; “Ewe Musa, eyo abandu baliyo abandu bamakhakha, Ne efwe shikhulenjilayo tawe okhuula baruleyo, nibarulayo efwe khulenjila.
Abandu babili muba abaria Nyasaye, abaNyasaye yahelesia tsimbabaasi baboola mbu; “Mubenjilile mumuliango kuno, nimumala okhubenjilila awo toto enywe mulabashila, Ni mwisike Nyasaye toto nimuli abasuubili.
المائدة