Abandu beshitabu basuubilanga mana baria Nyasaye, khwakhabaleshele tsimbi tsiabu, Ne khwakhabenjisiye mumikunda chilimo obwokholo.
Mushaf reader · page 119 of 604
5:65–5:70
Read the protected Arabic beside the current Luhya translation, beneath each āyah, or as a continuous translation page.
Arabic3
Translation3
Ne toto beminjia Itaurati nende Injili nende akeshibwa khubo okhurula khu Nyasaye wabu, bakhalile okhurula hekulu wabu nende hasi wamakulu kabu. Ne baliwo mubo batilanga injila indayi. Halali abanji mubo akabakholanga ni amabi muno.
Ewe omurumwa, yusia akaweshilibwa okhurula khu Nyasaye wuwo, Ne nolakhola tawe olaba oshili okhusia oburumwa bubwe. Ne Nyasaye alakhulinda nende (Obusuku- bwa) abandu. Toto Nyasaye salunjisinjia abandu abakhayi tawe.
Boola; Enywe abandu beshitabu, shimuli khushiosi shiosi tawe okhuula mwemie Itaurati nende Injili, nende kano akeshibwa khwinywe okhurula khu Nyasaye wenyu. Ne toto kalia akeshibwa khwiwe okhurula khu Nyasaye wuwo, kalametela abanji mubo abulobi nende obukhayi. Kho olabeelelela abandu abakhayi tawe.
Toto balia basuubila nende abayahudi nende masabii (abalaami betsinginingini) nende abakiristo, abasuubila Nyasaye nende Inyanga yeyindukho mana nibakhola ebikhole ebilayi, mana abo shibaliba nende oburi nohomba shibalibeelela tawe.
Toto khwabukula indache nende abana ba Israili, mana nikhubarumila Abarumwa, Buli shinga Omurumwa yabetselanga nende akemwioyo chiabu chilenya tawe, omukanda mubo kwabakhola okhuba ababeyi ne omukanda kundi kwabeeranga.
المائدة