Please wait while the requested workspace is prepared.
Mushaf reader · page 130 of 604
Read the protected Arabic beside the current Luhya translation, beneath each āyah, or as a continuous translation page.
Boola; okhubareeba – “Nishindu shina, eshiobuloli bwashio ni obukali muno? Mana oboole; “Nyasaye – niye omuloli wa hakari wefu ninanyu. Ne Ikurani ino yafumbulilwa esie kho ebekanyilisilie khuyo nende buli yesi owa yoloolela. Koo toto enywe muchamanga mbu baliho abaNyasaye bandi halala nende Nyasaye?” Boola “Esie shenjama endio tawe” Boola; -khandi “Ye ni Nyasaye mulalasa. Ne esie endi ehale muno nende abo abamutsokasinjia.”
Balia abakhwahelesia eshitabu bamanya kano shingala bamanya Abaana babu. Ne balia beretsanga mukhusikha, nibalia abalasuubilanga.
Ne niwina omubii muno oyo okhushila ulia uchishilanga Nyasaye obubeyi, nohomba ulia ufukulanga ebimanyisio bibie? Toto Abandu ababii shibalibura tawe.
Ne inyanga yakhulibabuusia boosi mana khubaboolela kalia akabatsokasia “Bali hena Abamwatsokasibwa benyu abamwelayilanga?”
Ne shibalikosa eliokhuboola tawe, mbu; “Toto Nyasaye wefu Omulesi efwe shikhwali abatsokasi tawe.”
Henga shinga baboolanga obubeyi khubo abeene, Ne kabakorere kalia akabachikhanga.
Ne bali mubo balia abakhuwulilisinjia, ne khwara ishikalilo mumioyo chiabu balamanya tawe, ne bali nende iwula mumarwi kabu. Ne nibalola buli ebimanyisio biefu shibabisuubilanga tawe. Ne nibakhwitsila khulwa okhuyingasia, abakhayi baboolanga mbu; “Kano shini eshindu tawe, atsikhali butswa tsingano tsia khale.”
Bakaninjia Abandu okhuloonda kano, neboosi bereetsanga ehale ninako, nabo shibasasinjia tawe halali emioyo chiabu abeene, nabo shibamanyile tawe.
Ne obalolanga (inyanga yeyindukho) olwabaliemibwa khumulilo, olwabaliboola; “Bayie khukalusibungwa khushialo, shikhwakhayingasiye ebimanyisio bia Nyasaye wefu tawe, ne khwakhabeele mubalia abasuubila.”
