Enywe abaana ba Adam! Bukule oburone bwenyu buli nimuba habundu wamasayo, ne “lie ne munywe ne mulakhola isasia tawe, Toto Nyasaye siyachama abakholanga isasia taawe.
Mushaf reader · page 154 of 604
7:31–7:37
Read the protected Arabic beside the current Luhya translation, beneath each āyah, or as a continuous translation page.
Arabic3
Translation3
Boola; “Ni wina wakania oburone bwa Nyasaye obwayahelesia abandu bebe, nende bilia ebilayi mumikabo chichie.? Boola; ebo ni bia balia basuubila nibashili mubulamu bwokhushialo, ne inyanga yeyindukho bilibasa ebiabu bonyene. Endio nilwakhwinosinjia ebimanyisio biefu khubandu abamanya.
Boola; Toto Nyasaye wanje omulesi yakana amakhuwa keshifwabi akalolokha nende akefisile, nende tsimbi nende obulobi obulali khunjila yatoto, nende okhutsokasia Nyasaye nende khushibula eshifune, nende okhuboola khu- Nyasaye akamukorerwe.
Boola; “buli omukanda kuli nende ebise biakwo. Ne ebise biabu nibiula shibalishinda kata isa ndala tawe nohomba shibaliranjilila tawe.
Enywe abandu! Olwabalaboolela Aburumwa okhurula mwinywe nibababoolela ebimanyisio bianje, kho balia abalaria Nyasaye mana babe abalayi, shibalaba noburi tawe nohomba shibalibeelela tawe.
Ne balia bayingasia ebimanyisio biefu mana nibabikholela obufuru, abo ni abandu bo mumuliro, bali menyamo tsinyanga tsiosi.
Ni wina omubi omukhongo oyo okhushila ulia uchishila Nyasaye obubeyi, nohomba ulia uyingasia ebimanyisio bibie? Abo habundu wabu abahandichilwa yakhaboolele, olwa Abarumwa befu baliboolela okhubafwisia balibareeba mbu; “ Balihena balia abamwalamanga balali Nyasaye? Baliboola mbu; “bakhukorerekho! Ne balirusilia abene obuloli mbu bali abakhayi.
الأعراف