Koo shiliho shabalindanga halali indukho ya ako? Inyanga yeyindukho yako iliula, abeyibilisia baliboola mbu; “Toto Abarumwa ba Nyasaye wefu barera obwatoto. Koo khulikho nende abakhusabila, eshileshelo? Nohomba khukalusibwe khukhole kalia akakhulakholanga? Toto abo bamala okhusishia emioyo chiabu, ne akabachikhanga kabakorere.

Toto Nyasaye wenyu Omulesi ni ulia owaloonga likulu nende eshialo khutsinyanga tsisaasaba. Mana naleng’ala khu shisaala shishie shioluyali. Afimbanga eshilo khushitere eshilondaangakho lwangu. Nende eliuba nende omwesi, nende tsing’ining’ni tsikhoyelungwa khukhuchama khukhwe. Koo manye mbu okhuloonga nende obunyali nobubwe, Ne niwoluyali Nyasaye Omulesi webiloonje biosi.

Sabe Nyasaye wenyu Omulesi mubwihotselefu mana mubwifisi. Toto ye shiyachama balia baburanga eshichelo tawe.

Ne mulakhola isasia khushialo tawe nishimalile okhukasa, ne mumusabe muburi nende mubusuubili, Toto tsimbabaasi tsia Nyasaye tsili ahambi nende bakholanga amalayi.

Ye niye uyilanga omuyeka okhuba eshimanyisio shie tsimbabaasi tsitsie okhuula. Kata omuyaka oko shingala kuchinganga amaleesi amasiro khukayilanga khushialo shiafwa(eshiumu) mana khukekhonyela khukhwishia amatsi, nga endio nilwakhurusinjia buli imbia yebiamo. Mana khandi endio nilwakhulamusinjia abafu khomunyoole okhwitsulila.