Mana nikhumuhabina nende Abandu bebe, halali omukhasi wuwe, yali mubalia abatong’a inyuma.

Mana nikhubayombolela ifula, kho lola indukho yababii shinga yali.

Ne khubandu ba Madyana, khwaruma omusiani wabu mbu Shuaib, Naboola mbu; “Enywe abandu banje mulaame Nyasaye. Abulao Nyasaye wundi owulaliye, Biamala okhuboolela ebifune biahabulafu okhurula khu Nyasaye wenyu Omulesi, Kho muleng’asie obulayi eshichelo nende iratili, ne mulakhalaka abandu ebindu biabu tawe, ne mulakhola obutobela khushialo tawe. Toto buno nibo obulayi khwinywe toto nimuli abasuubili.

Ne mulekhala khunjila nimurisia abandu nende okhubekalila khunjila ya Nyasaye, balia abasuubila, muyienyelanga okhukotiombokhe. Ne yetsulile olwa mwali batiti, naye nabakhola okhuba abaanji. Ne muhenge ngala indukho ya abandu abamabii yali.

Ne omukanda kundi nikuliwo mwinywe akwasuubila akandarumwa kano, ne omukanda kundi shikwasuubila tawe, mana mulinde okhula shingala Nyasaye yetsa okhubusia hakari wefu. Naye niye Omulayi owababusia.