Please wait while the requested workspace is prepared.
Mushaf reader · page 160 of 604
Read the protected Arabic beside the current Luhya translation, beneath each āyah, or as a continuous translation page.
Ne yitsulile olwayabarao okhutila habundu wa abandu ba- A’ad mana nabakhola obulayi khushialo, mumbakhanga tsinzu tsiobuyinda khutsingongo, ne mubaatsanga tsinzu khutsingulu, ne mulakhola obubii nohomba obutobela khushialo tawe.
Omukanda kwabakhongo mubandu baye kwaboolela balia abasuubili mubo abakholelungwa obubii mbu; “Koo musuubilanga mbu Saleh yarumwa nende Nyasaye wuwe Omulesi? Nibaboola: “ Toto efwe khusuubila khukayarumwa nako”
Abafuura abo nibaboola mbu; “Efwe khukhayile akamusubilemo ako”
Mana nibera ingamia eyo, mana nibaloba likhuwa lia Nyasaye wabu omulesi, mana nibaboola; “Ewe Saleh, khurerere akokhulakanga toto ewe noli mubarumwa.
Mana omurengo kweshialo nikubabukula, ne olwabwashia nibanyoolekha mutsinzu tsiabu mafumama nibali emilambo.
Mana Swaleh nabalekha naboola mbu; “ Enywe abandu banje ndabooselia oburume, bwa Nyasaye wanje Omulesi, mana nebachelela, halali enywe shimwachama abamachelo tawe.
Ne khwaruma Lut, olwayaboolela abandu bebe mbu; “Koo enywe mukholanga eshifwolo shiomundu yesi yesi eshili okhubaranjiliakho okhukhola khushialo tawe”.
Toto enywe mwinjililanga abasatsa khubwikombi nimulekha abakhasi? Khane enywe muli Abandu baburirira mububii.
