Obosilinjia oburume bwa- Nyasaye wanje omulesi. Ne esie kwenywe endisa owubachelela, omwisikwa.
Mushaf reader · page 159 of 604
7:68–7:73
Read the protected Arabic beside the current Luhya translation, beneath each āyah, or as a continuous translation page.
Arabic3
Translation3
Koo muwukanga mbu ametsulisio karula khu Nyasaye wenyu omulesi akabeetsela okhurula khumulala mwinywe abekanyilisie? Ne yitsulile shingala yabakhola okhubukula habundu wa Nuh, mana nabameta omubili omukhongo, kho yitsulile tsimbabaasi tsia Nyasaye kho munyoole okhubura.
Nibaboola mbu; Koo! Okhwitsile mbu khulaame Nyasaye mulala yenyene, ne khulekhe akabapapa befu balaamanga? Mana khurere akokhulakanga kano toto noli mubabolanga obulamba.
Naboola mbu; “ Toto eshinyasio nende liruma okhurula khu- Nyasaye wenyu, omulesi bimalile okhubakwila. Muyingananga nasi khumera sa akamwalanga enywe nende bapapa benyu, aka Nyasaye aleshiliakho eshifune? Kho mana linde esie endi halala ninanyu khubalia balindanga.
Mana nikhumuhonia ye nende abali halala ninaye. Khutsimbabaasi tsiefu, mana ni khuteta emisi chabalia abakana ebimanyisio biefu, ni shibali abasubili tawe.
Ne khubandu ba Thamudi khwaruma omusiani wabu Swaleh. Naboola mbu; Enywe abandu banje! Mulaame Nyasaye. Mubula Nyasaye wundi owulaliye tawe, Toto shimalile okhuboolela eshimanyisio eshiahabulafu okhurula khu Nyasaye wenyu omulesi. Ino ni ingamia ikhasi ya Nyasaye ili mbu ni eshimanyisio khwinywe. Kho muyilekhe ilie khuliloba lia Nyasaye, nemulayumisia tawe, mwakhanyoola eshinyasio eshilulu.
الأعراف