Nyasaye naboola mbu; “Ewe Musa toto esie ekhwawule khubandu khulwa oburume bwanje nende okhulomaloma khwo ninasi, kho bukula kekhwelesinjia ne obe mubalia bakhupanga orio.”
Mushaf reader · page 168 of 604
7:144–7:149
Read the protected Arabic beside the current Luhya translation, beneath each āyah, or as a continuous translation page.
Arabic3
Translation3
Nenikhumuhandichila mutaurati eyo amachelo (Kabuli imbia) nende ameebalo kabuli eshindu, kho katile nende amani ne olomesie abandu okhutila amalayi kano. Hambi ano nditsa okhubechesia amatala kabandu balia bafunakanga amalako.
“Ndalabekalila balia belolanga mubufuru khushialo munjila ilali ya abwene, , balia buli eshimanyisio shiabalola shibasuubila tawe, ne nibalola injila yobulunjifu shibayitila mbu niyo injila tawe, halali nibalola injila yobukori bayibukulanga mbu niyo injila. Endio nilwokhuba mbu bayingana ebimanyisio biefu nende okhubula ninabio oluchendo.
Ne balia abayingana khubimanyisio biefu nende okhukhung’ana khwo mwikulu, ebikhole biabu biabiya, kho balirungwa akandi akali kalia kabakholanga?
Olwa Musa yarula-(natsia okhwenda amalako) abandu bebe bakhola khubirone biabu eshimosi, eshifwanani shiananga, Koo shibalolakho mbu eshinyasaye shiabu esho sishilomalomanga nabo tawe, nohomba sishibalunjisinjia khunjila tawe. Halali bashikholasa okhuba nyasaye mana nibaba abamabii.
Ne olwa beyitsulisia, nibalola mbu toto bamalile okhukora, baboola mbu; “Nyasaye nalakhubeela tsimbabaasi tawe, toto khula mubalia abakabiyile”
الأعراف