Please wait while the requested workspace is prepared.
Mushaf reader · page 220 of 604
Read the protected Arabic beside the current Luhya translation, beneath each āyah, or as a continuous translation page.
Shichila shina nilulabaho olukongo olwasuubila kho obusuubili balwo bubakhoonye? halali abandu ba Yunus, olwa basuubila khwabarusiliaho eshinyasio shiokhututuyia, mubulamu bwokhushialo mana nikhubahelesia omwikhoyo khubise(bia khwenya)
Ne Nyasaye wuwo yenyanga abandu boosi bakhasuubile khushialo, kho nawe wakhanichilisia abandu mbu babe abasuubili.?
Ne abulaho omundu unyala okhusuubila halali khukhuchama khwa Nyasaye, Ne akholanga eshinyasio shibe khubalia abalarumishilanga amachesi kabu tawe.
Boola; “lole nishina shili mwikulu nende khushialo” Ne ebimanyisio nende amekanyilisio shibikhonyanga abandu balaasubila tawe.
Koo bakhalindanga elindi halali akafwanananga aketsinyanga tsia bandu babura imbeli wabu? Boola mbu; “Mana liinda, siesi endi halala ninanyu mubalindanga.”
Mana khulihabina Abarumwa befu nende balia basuubila ninabo, Ne endio ni lwakakwanila okhuhabina abasubili.
Boola mbu; “enywe abandu! Ni muli nende obukanakani khudini yanje, Esie shenamanga ebiamulamanga habundu wa Nyasaye tawe, halali enamanga Nyasaye ulia ulibafwisia ne yanomesiyie mbu embe mubasuubili.”
Ne ohenjie obweni bubwo khu idini yokhutswenulila emilukha chichio khu Nyasaye, ne olaba mubatsokasinjia Nyasaye tawe.
Ne olalaama ebilali Nyasaye, bilakhakhukhoonya nohomba okhuumisia tawe, ne nokhola orio olaba mubandu ababii.
