Ne enywe bandu baanje, esie shebenyaangakhwo omwandu tawe, omurungo kwanje kulisa khu Nyasaye, ne isie shindakhaloonda balia abasuubila tawe, toto bo balibukana nende Nyasaye wabu omulesi, halali esie ebalolanga enywe nimuli abandu balamanyile tawe.
Mushaf reader · page 225 of 604
11:29–11:37
Read the protected Arabic beside the current Luhya translation, beneath each āyah, or as a continuous translation page.
Arabic3
Translation3
Enywe bandu banje! Wina witsa okhuhabina imbeli wa Nyasaye, nikali mbu ebaloonda? Shimuparangakho tawe?
Ne shebaboolelanga mbu endi nende ebiachi bia Nyasaye tawe, nohomba mbu esie ndamanya amakhuwa kefisile, nohomba shembola mbu “esie endi malaika tawe” nohomba shemboola mbu balia abababusinjiamwo tsimoni mbu Nyasaye shalabahelesia obulayi tawe. Nyasaye niye umanyile muno akali mumioyo chiabu(nemboola endio) Toto nditsa okhuba mubandu abamabii.
Baboola mbu:” ewe Nuhu, wakhalomaloma ninafuu muno, ne oburirisiye amakhuwa muno, mana nakharera akokhulakanga ako toto noli owuboolanga obwatoto.”
Naboola mbu; “Nyasaye alabarerera niyenya, ne enywe shimunyala okhumushila tawe”
Ne amachelo kanje khwinywe shikakhakhonya tawe, nindenya okhubachelela, Nyasaye niyenya okhubalekha mukore, Ye niye omulesi wenyu, na ni ewuwe ni wamulikalusibwa.
Nohomba baboolanga mbu; “Yakasiasa omwene” boola mbu;” Nendi ndakakasia tsimbii tsilikhwisie, nasi endi ehale nende amabii kamukholanga.”
Nuhu nafimbulilwa mbu: “ toto abulaho witsa okhusuubila mubandu bawo halali balia bamala okhusuubila, kho alabeelela khukabakholanga tawe.”
Ne okasie iriaro (isafina) mutsimoni tsiefu,nende khubufimbuli bwefu, ne olanomianomia amakhuwa kabandu ababii tawe, toto abo betsa okhufwa okhurulana nende amatsi.
هود