Naboola ulia owahonokokha khubabili balia, niyetsulila, nibiakhabura ebise bititi, “Esie nditsa okhubaboolela okhukalula khwamaloro ako, kho murume (enzie ekhabe ubakalulila).

“Yusufu ewe owatoto, khukalulile tsing’ombe saba tsikhomefu tsilibwa nende tsing’au saba, nende tsingore saba tsimbisi nende etsindi tsinyumu- kho esie engalushe khubandu banyoole okhumanya”

Naboola; “ Mulalima emika saba malondokhana kho biamuchesa mubileshe khubisokoro,biako halali bititi biamulia.

Mana chitsa okhwitsa emika saba chiobutinyu, chitsa okhulia ebiamwachibishila, halali shititi shamwitsa okhubikha.

Mana kano nikakhwawa, kuletsa omwika okwa abandu betsa okhukhonywa(nende Nyasaye) ne mukwo balanyoolamwo(biabanyoolamwo) .

Omwami naboola mbu; “Mumurere khwisie” olwa omurumwa yamuulila. Yusufu naboola mbu; “ Kalukha khumwami wuwo omureebe amakhuwa kabakhasi beteta emikhono chiabu, Toto Omwami wanje yamanya ebifwanga biabu.

“Muboola murie, olwamwekomba Yusufu naye nalenyele?” Nibaboola mbu; “ Apoo! Shikhwamanyakhwo obubii bwosi bwosi khuye tawe,” omukhaye womwami naboola mbu ; “Toto obwatoto bwakhamanyikha, nesie wamwikomba naye naleenyele tawe, netoto ye ali mubandu abo bwatoto.”

(Yusuf naboola mbu) “Ako nilwakhubeela mbu, (omwami) amanye mbu esie shindamukholela obubii inyuma wuwe tawe, ne mbu Nyasaye shakholanga ebifwanga bia abamabii okhubura tawe.