Naboola mbu : “ndakhabasuubila khu uno shingala ndabasuubila khumusiani wabu khale awo? Ne Nyasaye niye omulindi omulayi, naye ni Owetsimbabaasi muno okhushila abetsimbabaasi boosi.”
Mushaf reader · page 243 of 604
12:64–12:69
Read the protected Arabic beside the current Luhya translation, beneath each āyah, or as a continuous translation page.
Arabic3
Translation3
Ne olwa baboolola emisiko chiabu , nibanyoolamwo emiandu chiabu chikalusibwe, ni baboola mbu: “ewe papa wefu shina shindi shiakhwenya? chino ni emiandu chiefu chikalusibwe khwifwe! khurere eshakhulia khulwa abaandu befu, ne khwitsa okhulinda omusiani wefu, ne khulanyoola eshibaba shie ingamia ndala, esho neshichelo eshititi. (khubuhani bwomwami)
Naboola mbu: “shindalamulekhuula atsie ninanyu tawe okhula shingala muletsuba khulira lia Nyasaye mbu mulachelela ninaye halali nimubotokhanwa mwesi. “ olwa bamuhelesia indakano eyo yaboola mbu “Nyasaye niye omulindi khukakhuboolanga kano.”
Naboola mbu: “ enywe abaana banje! Mulenjila mwesi mumuliango mulala tawe, injilile mumiliango chikabukhaane. Ne esie shebakhonyakhwo shiosi shiosi imbeli wa Nyasaye tawe. Amakhuwa koosi kali khu Nyasaye. Naye niye wakhwisikanga, ne besikanga bamwisiche butswa ye.
Ne olwabenjila shingala sabwe yabalomesia, shishiabakhonyakhwo shiosi shiosi khu Nyasaye tawe halali akali mumwoyo kwa Yaqub kamala kekholeshe. Netoto ye yali wamachesi shichila khwamwechesia,halali abaandu abaanji shibamanyile tawe.
Ne olwa benjila ewa Yusuf , yakwa khumusiani wabu oyo naboola mbu: “ toto esie endi omusiani wenyu. Kho olabelela shichila kabano bakholanga tawe.
يوسف