Ifwani yomukunda kwa balia baria Nyasaye balakwa, hakari wakwo chiburanga mwo emialo, ne ebiamo biakwo shibiwetsanga tawe nende eshinikha shiakwo. Eyo niyo indukho yabalia abaria Nyasaye, ne indukho yabakhayi nimumulilo.
Mushaf reader · page 254 of 604
13:35–13:42
Read the protected Arabic beside the current Luhya translation, beneath each āyah, or as a continuous translation page.
Arabic3
Translation3
Ne abandi mubakhwahelesia eshitabu basangalilanga akaweshilibwa, ne mumikanda chiabu baliwo abandi bakhayanga akandi mukano,. Boola; “ Toto esie enomesibwa okhulaama Nyasaye ne ndalamutsokasiakhwo nende shiosi shiosi tawe, elanganga khuye ne uwewe niwo amakalushilo.
Ne endio nilwakhweshia (Ikurani) nili mbu ni amalako mulwarabu,Ne noloonda obwikombi bwabu abumanyi buno nibumalile okhulila, sholiba nende omwitsa nohomba omulindi imbeli wa Nyasaye tawe.
Ne toto khwaruma abarumwa imbeli wuwo, nikhubanyalila okhuba nende abakhasi nende abaana. Ne shikanyalikhana khumurumwa okhurera amangalimwa tawe halali khubuchami bwa Nyasaye. Ne buli ebise bili nende ebiakahandichilwa.
Ne Nyasaye arusinjiaho akayenya ne alekhanga kayenya. Ne akabusibwa koosi karula khu Nyasaye.
Ne nikhwukhwechesia akandi kakhwabalaka noho nikhukhufwisa(Shilaboolelasa), Kho akoko ni okhuusia butwsa, ne okhubala khuli khwifwe.
Koo! Shibalolangakhwo mbu khutilanga liloba liabu, nikhulitutuyia tutuyia khu tsinzakho tsialio? Ne Nyasaye abusinjia ne awumaho ukhaya okhubusia khukhwe. Naye ni omwangu wokhubala.
Ne toto bakhola ebifwanga balia bali embeli wabu, Halali (Okhukalukhania) ebifwanga ebo bili khu Nyasaye biosi, Amanyile shabuli omundu akholanga. Ne abakhayi balimanya mbu inzu yokhumalilikha yomwikulu niya wina.
الرعد