Ne ni tsingongo tsinga etsiakhwanyasia etsiali nitsikholanga amabii, mana likhulondiakho inyuma wabu abandu bandi.
Mushaf reader · page 323 of 604
21:11–21:24
Read the protected Arabic beside the current Luhya translation, beneath each āyah, or as a continuous translation page.
Arabic3
Translation3
Ne olwa balola eshinyasio shiefu, mana hawo nibachaka okhwilukha.
Mulelukha tawe, kalukhe khubwokholo bwenyu, nende mubimenyo bienyu khomunyoole okhurebwa.
Baboola mbu: “abaane toto efwe khwali abamabii.”
Ne nibatsililila okhulila khwabu okho okhula shingala khwabakhola shinga babererwe basimile (bafwile.)
Ne nishikhwalonga likulu nende eshialo nende ebili hakari wabio khumubayo tawe.
Nekhwenyanga okhukhola omubayo, khwakhekholele efwe abeene, (sikhwakhabarere hakari tawe) toto khubetsanga abakholanga omubayo.
Halali khupanga abwatoto khububeyi mana nibufunaka (obubeyi obo) niburulaho, ne toto muli nende eshinyasio eshilulu shibalindanga khukamuboolanga kano.
Ne ni ebibie bioosi bili mwikulu nende khushialo, ne abali ewuwe shibafuranga okhumulaama nohomba shibachonyanga tawe.
Bamwitsominjia eshilo neshitere ne shibachonyanga tawe.
Nohomba banyoola abanyasaye khushialo abalamusinjia?
Abanyasaye bandi babetsangamwo (mwikulu nende khushilalo) abalali Nyasaye tawe toto hawo (likulu nende eshialo) biakhabiyile. Ne oluyali lwoosi ni lwa Nyasaye, omwami we shisaala (Arsh) ali ehale nende akabamuboolangakho ako.
Sharebungwa akakholanga tawe nabo ballirebwa.
Nohomba bekholela abanyasaye bandi abalali Nyasaye tawe? Boola mbu; “Rere ebifune bienyu; Kano ni ametsulisio ka bano abali halala ninasi, nende ametsulisio khu balia abali inyuma wanje “ Halali abaanji mubo shibamanyile, obwatoto tawe, kho mana shibakabukulilangamo oluchendo tawe.
الأنبياء