Please wait while the requested workspace is prepared.
Mushaf reader · page 340 of 604
Read the protected Arabic beside the current Luhya translation, beneath each āyah, or as a continuous translation page.
Koo shololangakhwo mbu Nyasaye yabakwalasilia ebili khushialo nende ebininwa olwabiburanga munyanza khubuchami bubwe, ne yatililila likulu okhukhaya okhukwa khuliloba, halali khubuchami bubwe. Toto Nyasaye niwetsimbabaasi nende obukoosia muno khubandu.
Ye niye owabahelesia obulamu, mana nabafwisia , mana khandi alibalamusia, toto omundu ni omukhayi owamalayi muno.
Buli omukanda khwakukholela emilukha chakwo echiakutilanga. Kho balashilana ninawe mulikhuwa lino tawe, ne langa khunjila ya Nyasaye wuwo – toto ewe oli khunjila ilunjishe.
Ne nibatsililila okhuyingana ninawe boola mbu: “ Nyasye amanyile muno kamukholanga.”
Nyasaye alibusia hakari wenyu inyanga yeyindukho khu kalia koosi akamukabukhananga.
Shomanyilwekhwo mbu Nyasaye amanyile akali mwikulu nende mushialo? Toto ako kali mushitabu. Toto ako khu Nyasaye ni amangu.
Ne balaamanga habundu wa Nyasaye ebia Nyasaye aleshiliakhwo omunwa, nende ebia babula obumanyi khubio. Ne ababii balibula ubakhoonya.
Ne nibasomelwa tsinyaali tsiefu tsili habulafu , olalola obweni bwabakhayi nibwechesia obusinyifu. Bakhaba ahambi okhutsunushila balia ababasoomelanga tsinyali tsiefu etso. Koo! ebabolelekhwo amabii muno okhushila ako?, Ni omulilo ,Nyasaye yarecheshela balia abakhaya, ne ni amakalushilo amabii muno.
