Ne kubulao omukanda kunyala okhuranjilisia indukho yakwo nohomba okhusitia imbeli.
Mushaf reader · page 345 of 604
23:43–23:59
Read the protected Arabic beside the current Luhya translation, beneath each āyah, or as a continuous translation page.
Arabic3
Translation3
Mana nikhuruma abarumwa befu, mulala inyuma wowundi. Buli omukanda shingala omurumwa wabu yaboolela bamuyingasia. Nikhubalondiakho abandi mubo khubandi, mana nikhubakholela okhuba tsingano. Bakorera ehale abandu balasuubilanga.
Mana nikhuruma Musa nende omusiani wabu Haruni halala nende ebimanyisio biefu,nende ebifune bili habulafu.
Khwamuruma khu Firauni nende abandu baye abakhongo, halali bo nibelola nibaba abandu abafuru.
Nibaboola mbu; “Khusuubile abandu babili bano balisa shinga efwe, ne abandu babu ni abasumba befu?”
Mana nibabayingasia mana nibaba mubalia abasikha.
Ne toto khwahelesia Musa eshitabo mbu bakhaba bario balunjikha.
Ne nikhukhola omwana wa Mariamu nende nyina wuwe okhuba eshimanyisio, ne nikhubahelesia amelushilo, habundu achingukha hali nende obwihotselefu nende tsisebele tsia amatsi.
Enywe abarumwa lie ebilibwa ebilayi ne mukhole amalayi, toto esie endi omumanyi muno khukamukholanga.
“Ne toto omukanda kwenyu kuno ni omukanda mulala, nasi esie endi Nyasaye wenyu omulesi , kho muurie”
Mana nibabusia hakari wabu likhuwa lino tsimbeka tsikabukhane. Buli omukanda nikusangalila akakuli ninakwo.
Kho baleshesa mubukoyani bwabu okhula shinga ebise biula. (biabu).
Baparanga mbu bilia ebiakhubahelesinjia omwandu nende abaana.
Nibio bakhubaranjilisinjia khubulayi, halali abeene shibamanyile tawe.
Toto balia behotselesinjia khulwa okhuria Nyasaye wabu omulesi.
Nende balia abasuubilanga ebimanyisio bia Nyasaye wabu omulesi.
Nende balia abalatsokaasinjia Nyasaye wabu tawe.
المؤمنون