Abo nibo abanguyilanga amakhuwa amalayi, ne nibo bakaranjililanga.

Nafu shikhutukhanga omundu akaalanyala tawe, ne khuli nende eshitabo, eshiboolanga katoto, nabo shibalikholelwa obubii tawe.

Halali emioyo chiabu chili mubukoyani nende ako, Ne bali nende ebikhole biabakholanga ebilali ebo (ebia abandu abalayi bakholanga).

Okhula shinga khwitsa okhutila balia bali mubwokholo mubo, awo niwo wabalitsa okhulilikana.

“Mulalilikana Nyangayino tawe, toto enywe shimulahona okhurulana ninafu tawe”

Toto mwasomelungwa tsinyaali tsianje, halali enywe mwakalushilanga inyuma nebisisilo bienyu.

Nimwilola , nimuyilomalomakhwo eshilo (khu qurani) nimulechele.

Koo! Shibaparangakhwo amakhuwa (akayetsa nako omurumwa Muhammad) Nohomba kabetsela akaletsela bapapa babu beyimbeli?

Nohomba shibamanya Omurumwa wabu tawe khomana nishichila nibamuyingasinjia?

Nohomba baboolanga mbu; “(umurumwa uno) ni omulalu? Halali yabetsela khubwatoto, ne abaanji mubo obwatoto bwabasinya.

Ne obwatoto mulondanga obwikombi bwabu, likulu nende eshialo biakhabiyile nende ebilimio biosi, Halali khwabarerera ameetsulisio kabu, halalibo nende ameetsulisio kabu beretsanga ehale.

Nohomba abasabanga omurungo? Halali omurungo kwa Nyasaye wuwo nikwo omulayi, ni niye omulayi muno owabakabi.

Ne toto ewe obalanganga khunjila ilunjifu.

Ne toto balia balasuubilanga mwikulu tawe beeretsanga ehale nende injila eyo.