Ne kata khubabeelanga tsimbabaasi mana khubarusilia obutinyu bwabali ninabo, bakhatsililile mubukori bwabu, nibakoyanile.
Mushaf reader · page 347 of 604
23:75–23:89
Read the protected Arabic beside the current Luhya translation, beneath each āyah, or as a continuous translation page.
Arabic3
Translation3
Ne toto khwabahelesia eshinyasio (Eshilulu) halali shibakalushila Nyasaye wabu tawe, nohomba shibehotselesia tawe.
Okhula shingala khwabekulila omuliango khweshinyasio eshilulu, awo niwo abandu bawesiakho omwoyo.
Ne ye niye owabaloonjela amarwi nende tsimoni nende emioyo, ne matiti muno akamukhupanga orio.
Naye niye owabaswania khushialo ne ni ewuwe amulikhung’asibwa.
Ye niye uhelesinjia obulamu nende okhufwisia, ne amakalukhano keshilo nende eshitere ni akeke, koo shimumanyakhwo tawe?
Halali baboolanga shingala abandu bali ibambeli baboolanga
Baboolanga mbu; “Koo olwakhuliba nikhufwile mana nikhuli liloba nende ebikumba, mbukhokhulilamusibwa?”
Toto khwalakwa kano nende bapapa befu bakhale, kano nitsingano tsiakhale butswa.
Boola; “Liloba nende ebilimwo biosi nibiawina toto nikali mbu mumanyile”
Balaboola mbu; “Ni lia Nyasaye” boola: “koo shimwitsulilangakhwo tawe.”
Boola ni wina Omwaami Omulesi wa hekulu saba nende Omwami Omulesi weshisaala eshikhongo?
Balaboola mbu; “Ni bia Nyasaye” Boola; “ kho koo shimuritsanga tawe?”
Boola; “ni wina womumukhono kukwe bulimwo obwaami bwa buli eshindu naye niye ulindanga, nesishilindungwa eshia aleenyele tawe, toto nimumanyile (mumbolelekho)
Balaboola mbu: “obunyai obo nibwa Nyasaye,” khoboola mbu; “Kho mukatibungwa murie?
المؤمنون