Olwa balikulola nibashili ehale , baliwulila liruma liakwo nende okhusaala khwakwo.
Mushaf reader · page 361 of 604
25:12–25:20
Read the protected Arabic beside the current Luhya translation, beneath each āyah, or as a continuous translation page.
Arabic3
Translation3
Ne olwa balisukunwamwo habundu andiyifu, nibaboyelwe , awo balisaba lifwa.
Khulibaboolela mbu- “mulasaba nyanga yino lifwa lilala tawe halali musabe okhufwa amakhabi amaanji.”
Boola mbu: “koo kano ni obulayi nohomba mwikulu lietsinyanga tsiosi ewabalakwa balia abaria Nyasaye, ibe khubo omurungo nende amakalushilo?”
Balinyoolamwo akabeenya , balikhalamwo tsinyanga tsiosi. Ne ino indakano khu Nyasaye wuwo omulesi, eyisabungwa.
Ne inyanga yalikhung’asia abakhayi abo,halala nende ababaalamanga abalali Nyasaye tawe, Nyasaye aliboola mbu: “ koo enywe mwakosia abandu banje bano nohomba bo nibo bakora injila?”
Baliboola mbu:” oluyali ni olulwo Nyasaye, shikhwali nikhukhoyeshele okhubakhola abakhoonyi habundu wuwo tawe, halali ewe newe wabara mubwokholo abakhayi abo, nende baasabwe mana nibebilila ametsulisio koko ne nibaba abandu abakhayakhaya.”
Mana toto abanyasaye benyu abo babayingasiyie , khukalia akamwaboola, ne shimulirusiakho eshinyasio tawe nohomba okhunyoola obukhonyi tawe, ne ulia ulakhola amabii mwinywe khulamutisia eshinyasio eshikhongo.
Ne shikhwaruma imbeli wuwo abarumwa halali balitsanga eshiakhulia nebatsitsanga khushiro, ne khwakholela abaandi mwinywe babe amatemo khubandi, koo khomwitsa okhwisumilisia, ne Nyasaye wuwo omulesi alolanga muno.
الفرقان