26:112–26:136

Ne okhubalwa khwabu khuli butswa khu Nyasaye wanje, Abayie mumanyangakhwo.”

“Ne esie shinditsa okhwilukhania abasuubili tawe”

“Esie shendi shiosi shiosi tawe halali omwikanyilisi owa-habulafu.

Nibaboola mbu; “Nolalekhana ninaafu tawe ewe Nuh, toto olaba mubalia balaswa amachina.”

Nuhu naboola mbu; “Nyasaye wanje, toto abandu banje bayingasiye”

Kho busia hakari wanje ninabo okhubusia okhulayi ne uhabine esie nende balia bali halala ninasi mubasuubili.

Kho mana nikhumuhabina ye nende balia bali halala ninaye musafina yitsule.

Mana nikhusishia balia abatong’a.

Toto mukano khulimwo nende ameeko halali abaanjimubo shibali bokhusuubila tawe.

Ne toto Nyasaye wuwo niye owa amani muno owetsimbabaasi po.

Babu A’di boosi bayingasia Abarumwa.

(Betsulisie) Olwa omusiani wabu Hud yababoolela mbu; “koo shimulamuria tawe’

Toto esie endi khwinywe Omurumwa Omwisikwa.

Kho murie Nyasaye ne muwulile.

Ne shebasaba khukano omurungo tawe, omurungo kwanje kulisa khu Nyasaye omulesi webiloonje biosi.

“Koo, mumbakhanga buli khwitulo, eshitsulisio shiokhukhola kalia kabulamwo oluchendo.

Ne mumbakhanga tsingoba mpara mbu mulimenya tsinyanga tsiosi.?

Ne nimusera museranga nobufuru.

Kho murie Nyasaye ne muwulile.

Ne Murie ulia owabahelesia kalia akamumanyile.

Yabahelesia emiruko nende abaana abasiani.

Nende “emikunda nende tsisebele”

Toto ebariringa eshinyasio shieyinyanga ikhongo.

nibaboola mbu; “ni halalasa awo, khwifwe nokhuchelela nohomba noobula okhuchelela.”