Mana nibabiyingasia khububii nende khubufuru ne emioyo chiabu nichimanyile muno mbu nitoto, kho henga indukho yabandu bakholanga obubii shinga yali.
Mushaf reader · page 378 of 604
27:14–27:22
Read the protected Arabic beside the current Luhya translation, beneath each āyah, or as a continuous translation page.
Arabic3
Translation3
Netoto khwahelesia Daudi nende Suleiman obumanyi, Nibaboola mbu; “Oluyali nilwa Nyasaye owakhukholela efwe obulayi muno okhushila abanji mubasumba bebe abasuubili.”
Ne Suleiman nabukula habundu wa Dawud, ne naboola mbu; “enywe abandu, khwechesibwa okhuboola khwa mayoni, ne khwahelesibwa buli eshindu, toto buno ni obulayi buli habulafu.”
Ne Suleiman nakhung’asilibwa omukanda kukwe kwabalwani okhurula mumajini, nende abandu nende amayoni, nakwo nikarebwa mumikanda emikanda.
Okhula shingala boola mwitwoma lietsindukusi, indukusi yaboola(okhuboolela atsiashie) mbu; “Enywe tsindukusi injile mutsinzu tsienyu, Suleiman nende omukanda kukwe kwabalwani kuletsa kwabasena tawe, nabo nibakorerwe.”
Mana namwenya natsekha okhurulana nende likhuwa elo naboola mbu; “Ewe Nyasaye wanje mbelesie amaani ekhupele orio khutsimbabaasi tsiawambelesia, esie nende abebusi banje, ne enyoole okhukhola ebikhole ebilayi ebiawachama, ne unyinjisie khutsimbabaasi tsistio, mubasumba bobo abalayi.”
Mana nachenda nahenga amayoni, naboola mbu; kabelekarie endalalolanga Hud hud? Nohomba shaliliho tawe?
Toto nditsa okhuliwa eshinyasio eshilulu, nohomba nditsa okhulisinza nohomba limbelesie eshifune shilolekha.
Shiyashinda muno tawe(Hud Hud niliula) niliboola mbu; “Enyoolele kamulamanyile tawe, ne ikhwitsile endi okhurula Sabaa nende amakhuwa katoto.”
النمل