“Toto esie enyoolele omukhasi niyabaruka naye yahelesibwa buli eshindu, ne ali nende eshisaala eshikhongo (shobwami).”
Mushaf reader · page 379 of 604
27:23–27:35
Read the protected Arabic beside the current Luhya translation, beneath each āyah, or as a continuous translation page.
Arabic3
Translation3
“Umunyoolele nende abandu bebe nibenamilanga eliuba mushilenje shia Nyasaye, ne shetani yabaronela ebikhole biabu mana nabekalila injila(ya abweene) khomana shibalunjikhanga tawe.”
Mbu khobaleshe okhwinamila Nyasaye owurusinjia akefisile mwikulu nende mushialo ne yamanya akamufisanga nende akamuretsanga habulafu.
Nyasaye, abulaho ulaamungwa khubwatoto ulali ye tawe Nyasaye we shisaala shiobwami eshikhongo.
(Suleiman) naboola mbu; “khulahenga khulole mbu nobwatoto nohomba oli mubabeyanga.”
Tsia nende Ibarua yanje ino, mana obahelesie, mana awuleele, mana olole shabalakhukalusia.
Naboola mbu; “Enywe abakhongo toto endererwe ibarua yoluyali.”
Irula khu Suleiman, nayo ni; “Mulira lia Nyasaye Owetsimbabaasi Owobukoosi.”
Mulakholela obufuru tawe, ne muule ewanje mweesi nimumalile okhuba abaisilamu.
Naboola mbu; “Enywe abakhongo, munjelele khwilikhuwa lino, shindakhakhalaka liosi liosi tawe okhula mumboolele.”
Nibaboola mbu; “efwe khuli abaamani, nende abobulwani abakhongo, ne okhubusia khuli khwiwe kholola liobusia.”
(Malkia) Naboola mbu; “Toto abaami nibenjila mwitokho balinyaasinjia, ne bakholanga abandu boluyali mwo okhuba hasi, ne endio nilwabakholanga.”
“Ne toto esie nditsa okhubayilila eshisangasia mana eninde shiabarumwa baletsa ninasho.”
النمل