Ne nikhuruma omuyeka mana bakulole nikuli obukondo bwa namabuyu, bakhatsililile okhukhaya.
Mushaf reader · page 410 of 604
30:51–30:60
Read the protected Arabic beside the current Luhya translation, beneath each āyah, or as a continuous translation page.
Arabic3
Translation3
Ne ewe toto, shiwakhakhola abafu bawulila tawe, nohomba shonyala okhukhola abatimbe bawulila tawe nibamamile okhukalukhana nibatsitsanga.
Ne shonyala okhulunjisia abawofu mubukori bwabu, shokholanga yawulila tawe halali ulia wasuubila mutsinyaali tsiefu, abo nibo abehotselesinjia.
Nyasaye niye awabaloonga okhurula mubuteshele, mana nabakhola okhurula mubuteshele obo abamaani mana nabakhola okhurula mubaamani okhuba abateshele, nende okhukofula Nyasaye alonganga shiayenya. Naye ni omumanyi omunyali muno.
Ne inyanga yeyindukho olwa yiliula aboononi belitsuba mbu shibekhala (khushialo tawe) halali lisaa elala butswa ne endio nilwabashiamibungwa.
Ne balia abahebwa obumanyi nende obusuubili baliboola mbu: “Toto enywe mwekhala khushitabu shia Nyasaye okhula inyanga yokhulamusibwa, kho inyanga yino niyokhulamusibwa, halali enywe mubele nimulamanyile tawe.”
Inyanga eyo ebichila biosi biosi shibilikhoonya balia aboononi tawe, ne okhusaba khwabu obulesheli shikhulifuchililwa tawe.
Ne toto khwachelasia mu Kurani muno buli okhuchelasia shichila abandu, nenobetsela nende eshimanyisio toto bialia bakhaya balaboola mbu; “Enywe shimuli shiosi shiosi tawe halali abamabii.”
Ne endio nilwa Nyasaye aretsanga eshimanyisio mumioyo chia balia abalamanya tawe.
Kho wisumilisie, toto indache ya Nyasaye niyatoto, Ne balia ababula obwatoto, balakhubeyiabeyia tawe.
الروم